ଖରା ଦିନେ ନିଜକୁ ଥଣ୍ଡା ରଖିବା ପାଇଁ ଆମେ ଅନେକ ପ୍ରକାରର ଫଳର ସେବନ କରିଥାଉ। ତରଭୂଜ ଠାରୁ ଆରମ୍ଭ କରି ସବୁଜ ପନିପରିବା ଓ ଦହି, ଆଇସକ୍ରୀମ ଇତ୍ୟାଦି ଖାଇଥାଉ। କଞ୍ଚା ଆମ୍ବ ଖରା ଦିନେ ଖାଇବା ଉଚିତ। ଏହା ଶରୀର ପାଇଁ ଲାଭଦାୟକ ଅଟେ। ଆସନ୍ତୁ ଜାଣିବା ଏହାର ଲାଭ ସମ୍ବନ୍ଧରେ ..
କଞ୍ଚା ଆମ୍ବ ଓଜନ ନିୟନ୍ତ୍ରିତ କରିଥାଏ। ଆମ୍ବରେ ଅଧିକ ମାତ୍ରାରେ ଫାଇବର ରହିଛି। କଞ୍ଚା ଆମ୍ବ ଖାଇବା ଦ୍ବାରା କଫ ସମସ୍ୟା ଦୂର ହୋଇଥାଏ। ଏହାସହ କଞ୍ଚା ଆମ୍ବ ଚଟଣି ମଧ୍ୟ ଖରା ଦିନେ ଖାଇବା ଦ୍ବାରା ଆଶ୍ବସ୍ତି ଅନୁଭବ ହୋଇଥାଏ। ଏହାଦ୍ବାରା କୋଷ୍ଠକାଠିନ୍ୟ ସମସ୍ୟା ଦୂର ହୋଇଥାଏ। କିନ୍ତୁ ଅଧିକ ଆମ୍ବ ଚଟଣି ଖାଇବା ଦ୍ବାର ଗ୍ୟାସ ସମସ୍ୟା ଦେଖା ଦେଇପାରେ।
କଞ୍ଚା ଆମ୍ବ ଏସିଡିଟି ସମସ୍ୟା ଦୂର ହୋଇଥାଏ। ଏହା ଯକୃତକୁ ସୁସ୍ଥ ରଖିଥାଏ। କଞ୍ଚା ଆମ୍ବ ଯେକୌଣସି ସଂକ୍ରମଣ ଜନିତ ସମସ୍ୟାରୁ ମଧ୍ୟ ରକ୍ଷା କରିଥାଏ। ଏଥିରେ ଭିଟାମିନ-ସିର ମାତ୍ରା ସଠିକ ପରିମାଣରେ ରହିଛି। ଏହା ରକ୍ତ ପ୍ରବାହ ଠିକ କରିବାରେ ସହାୟତା କରିଥାଏ। ଏହାସହ ଖରା ଦିନରେ ମୁହଁରେ ଲାଲ ରଙ୍ଗର ଦାଗ ହୋଇଥିଲେ ଆମ୍ବ ଖାଇବା ଦ୍ବାରା ସେଥିରୁ ରକ୍ଷା ମିଳିଥାଏ। ଏହାସହ କଞ୍ଚା ଆମ୍ବ ଖାଇବା ଦ୍ବାରା ରୋଗ ପ୍ରତିରୋଧକ ଶକ୍ତି ବୃଦ୍ଧି ହୋଇଥାଏ।
