ସାଧାରଣତଃ ଆମେ ସମସ୍ତେ ପିଜୁଳି ଖାଇବାକୁ ଭଲପାଆନ୍ତି। ଏହା ଶରୀର ପାଇଁ ମଧ୍ୟ ଲାଭଦାୟକ ହୋଇଥାଏ। ହେଲେ କ’ଣ ଆପଣ ଜାଣନ୍ତି ପିଜୁଳି ପତ୍ରର ଉପକାରୀତା ବିଷୟରେ? ଏହାକୁ ଖାଇବା ଦ୍ବାରା ଆମକୁ ଅନେକ ସମସ୍ୟାରୁ ମୁକ୍ତି ମିଳିଥାଏ। ପିଜୁଳି ପତ୍ରରେ ଆଣ୍ଟିଅକ୍ସିଡାଣ୍ଟ, ଆଣ୍ଟି-ଇନଫ୍ଲାମେଟୋରୀ ଏବଂ ଆଣ୍ଟି-ବ୍ୟାକ୍ଟେରିଆଲ୍ ଗୁଣ ରହିଛି। ଯାହା ଶରୀରର ଅନେକ ରୋଗକୁ ଦୂର କରିଥାଏ। ତେବେ ଚାଲନ୍ତୁ ଜାଣିବା ପିଜୁଳି ପତ୍ର ଖାଇବା ଦ୍ବାରା ଆମକୁ କି ଲାଭ ମିଳିଥାଏ –
୧.ପିଜୁଳି ପତ୍ର ଖାଇବା ଦ୍ବାରା ପେଟରେ ଜମିଥିବା ବିଷାକ୍ତ ଏବଂ ହାନିକାରକ ପଦାର୍ଥର କୁପ୍ରଭାବ କମ୍ ହୋଇଥାଏ। ଏହାସହିତ ପେଟବ୍ୟଥାରୁ ମୁକ୍ତି ମିଳିଥାଏ।
୨.ପିଜୁଳିର କଅଁଳ ପତ୍ରକୁ ଚୋବାଇ ଖାଇବା ଦ୍ବାରା ଆଲର୍ଜି ସମସ୍ୟା ଦୂର ହୋଇଥାଏ।
୩.ପିଜୁଳିର କଅଁଳ ପତ୍ରକୁ ଧୋଇ ଫୁଟାଇ ଦିଅନ୍ତୁ। ତା’ପରେ ଏହି ପାଣିକୁ ଥଣ୍ଡା କରି ଗଳ ଗଳ କରନ୍ତୁ। ଏପରି କରିବା ଦ୍ବାରା ଦାନ୍ତ ବ୍ୟଥା ଓ ପାଟିର ଅନ୍ୟ ସଂକ୍ରମଣ ଦୂର ହୋଇଥାଏ।
୪.ପିଜୁଳି ପତ୍ର ଚୋବାଇ ଖାଇବା ଦ୍ବାରା ରକ୍ତରେ ଶର୍କରା ସ୍ତର ନିୟନ୍ତ୍ରଣରେ ରହିଥାଏ। ତେଣୁ ମଧୁମେହ ରୋଗୀ ପିଜୁଳି ପତ୍ର ଖାଇବା ଆବଶ୍ୟକ।
୫. ପିଜୁଳି ପତ୍ରରୁ ଚା’ ପ୍ରସ୍ତୁତ କରି ପିଇବା ଦ୍ବାରା ଶରୀରର କୋଲେଷ୍ଟ୍ରଲ ସ୍ତର ନିୟନ୍ତ୍ରିତ ରହିଥାଏ।
୬.ପିଜୁଳି ପତ୍ରକୁ ପାଣିରେ ଫୁଟାଇ ଥଣ୍ଡା କରି ପିଇବା ଦ୍ବାରା ଡେଙ୍ଗୁ ଜ୍ବରରୁ ମୁକ୍ତି ମିଳିଥାଏ।
୭.ପ୍ରତିଦିନ ପିଜୁଳି ପତ୍ର ସେବନ କରିବା ଦ୍ବାରା ଶ୍ବାସ ରୋଗରୁ ମୁକ୍ତି ମିଳିଥାଏ।
୮.ପିଜୁଳି ପତ୍ର ଖାଇବା ଦ୍ବାରା ତ୍ବଚାର ଚିହ୍ନ, ବ୍ରଣ ଏବଂ ଚର୍ମକୁଞ୍ଚନ ମଧ୍ୟ ଦୂର ହୋଇଥାଏ।
