ରେଙ୍ଗାଲି – ସମ୍ବଲପୁର ଜିଲ୍ଲା ର ବିଡି ଶ୍ରମିକ ମାନଙ୍କୁ ୨୦୦୮ ମସିହା ରୁ ଗତାନୁଗତକି ଭାବରେ ଭଭିଷ୍ୟତନିଧି ପାଣ୍ଠି ରୁ ଟଙ୍କା ପ୍ରଦାନରେ ଅବହେଳା ପ୍ରଦର୍ଶନ କରାଯାଉଥିବା ଅଭିଯୋଗ ହେଉଛି। ବିଡି ଶ୍ରମିକ ସଂଘର ସମ୍ପାଦକ ବିଡି କମ୍ପାନୀ ଏବଂ ପି.ଏଫ୍ ବିଭାଗ ସଲାସୁତୁରା କରି ସରକାରୀ ନୀତି ନିୟମ କୁ ଉଲଘଂନ କରି ବିଡି ଶ୍ରମିକ ମାନଙ୍କୁ ଶୋଷଣ କରାଯାଉଛି ବୋଲି ଅଭିଯୋଗ କରିଛନ୍ତି । ସରକାରୀ ନିୟମ ଅନୁଯାୟୀ ପ୍ରତି ଏକ ହଜାର ବିଡି ପାଇଁ ୧୪୦ ଟଙ୍କା୬୨ ପଇସା ପି.ଏଫ୍ ଜମା ହେବା କଥା । କିନ୍ତୁ କେନ୍ଦ୍ର ଅବକାରୀ ବିଭାଗ ରିପୋର୍ଟ ଅନୁସାରେ ଏକ ହଜାର ବିଡି ପାଇଁ ମାତ୍ର୧୧୦ ଟଙ୍କା ପି.ଏଫ୍ ଫ୍ ରେ ଜମା କରାଯାଉଛି । । ୨୦୦୮ ମସିହାରୁ ଏଭଲି ଗତାନୁଗତିକ ଧାରା ରେ ଭବିଷ୍ୟନିଧି ପାଣ୍ଠି ରେ ପ୍ରତି ଏକ ହଜାର ବିଡି ପାଇଁ ୩୦ ଟଙ୍କା ୬୨ ପଇସା କମ୍ ଜମା ହେଉଥିଲେ ମଧ୍ୟ ଭବିଷ୍ୟନିଧି ପାଣ୍ଠି ର ଉଚ୍ଚ ଅଧିକାରୀ ନୀରବ ଦ୍ରଷ୍ଟା ସାଜି ଥିବାରୁ ବିଡି ଶ୍ରମିକ କ୍ଷତିଗ୍ରସ୍ତ ହେଉଛନ୍ତି ବୋଲି ଅଭିଯୋଗ ହୋଇଛି ।
ସମ୍ବଲପୁର ଜିଲ୍ଲାରେ ୩ଲକ୍ଷ ରୁ ଅଧିକ ବିଡି ଶ୍ରମିକ ବିଭିନ୍ନ କମ୍ପାନୀ ର ବିଡି ତିଆରି କରି ପରିବାର ପ୍ରତିପୋଷଣ କରୁଛନ୍ତି । ଆସିଷ୍ଟାଣ୍ଟ୍ ପି.ଏଫ୍ କମିଶନର ଙ୍କ ଠାରୁ ପ୍ରାପ୍ତ ସୂଚନା ଅନୁଯାୟୀ ୩ଲକ୍ଷ ରୁ ଅଧିକ ବିଡି ଶ୍ରମିକ ଙ୍କ ମଧ୍ୟରୁ ମାତ୍ର ୮୯ ହଜାର୫ଶହ୯୧ ଜଣ ବିଡିଶ୍ରମିକ ଙ୍କୁ ପରିଚୟପତ୍ର ପ୍ରଦାନ କରାଯାଇଛି । ଅର୍ଥାତ୍ ପରିଚୟପତ୍ର ନଥିବା ୨ଲକ୍ଷ ୧୦ହଜାର ରୁ ଉଦ୍ଧ୍ୱର୍ ବିଡିଶ୍ରମିକ ସରାକାରୀ ସୁବିଧା ରୁ ବଞ୍ଚିତ ହେଉଛନ୍ତି । ଭବିଷ୍ୟନିଧି ପାଣ୍ଠି ରୁ ଟଙ୍କା ଉଠାଣ ପାଇଁ ସମ୍ବଲପୁର ଜିଲ୍ଲା ରେ ଅଢେଇ ହଜାର ଶ୍ରମିକ ଦୀର୍ଘ ବର୍ଷ ହେଲା ଆବେଦନ କରିଥିଲେ ମଧ୍ୟ ନାନା ପ୍ରକାର ଆଳ ଦେଖାଇ ବିଡିଶ୍ରମିକ ମାନଙ୍କୁ ହଇରାଣ କରାଯାଇ ସେମାନଙ୍କୁ ଅର୍ଥ ପ୍ରଦାନରେ ଅବେହେଳା କରାଯାଉଥିବା ବାରମ୍ବାର ଅଭିଯୋଗ ହେଉଛି ।
