ଫୁଲବାଣୀ : :କନ୍ଧମାଳ ଜିଲ୍ଲା ଖଜୁରୀପଡା ଥାନା ଅଧିନସ୍ଥ କୁନ୍ଦା ଗ୍ରାମର ଦୁଃଶାସନ ମାଝୀ ଏକାବର୍ଷ ବିତି ଯାଇଛି । ବନ୍ୟଜନ୍ତୁ ଆକ୍ରମଣ ଜନିତ ସରକାରୀ ସହାୟତା ପାଇବାରୁ ବଞ୍ଚିତ ଅଛନ୍ତି ଦୁଃଶାସନ ଏବଂ ବାବାଜୀ ।
ଗତ ୨୨/୧୦/୨୨ ରିଖରେ ଦୁଃଶାସନ ନିଜର ଧାନବିଲ କୁ ଯାଉଥିବା ବେଳେ ହଠାତ ଏକ ହିଂସ୍ର ଭାଲୁ ଜଙ୍ଗଲ ଭିତରୁ ବାହାରି ଆସି ଦୁଃଶାସନ ଙ୍କୁ ତଳେ ପକାଇ କାମୁଡି ଗୁରୁତର କରିଥିଲା । ବହୁ କଷ୍ଟରେ ଦୁଃଶାସନ ନିଜର ଜୀବନ ବଞ୍ଚାଇବା ପାଇଁ ଚେଷ୍ଟା କରିବା ସହ ଚିତ୍କାର କରିଥିଲେ. କିଛି ଲୋକ ଘଟଣା ସମ୍ପର୍କରେ ଜାଣିପାରି ତୁରନ୍ତ ଘଟଣା ସ୍ଥଳକୁ ଯାଇ ହୋହାଲ୍ଲା କରି ହିଂସ୍ର ଭାଲୁକୁ ଘଉଡ଼ାଇଥିଲେ । ଦୁଃଶାସନ ଙ୍କୁ ପ୍ରଥମେ ଖଜୁରୀପଡା ଏବଂ ପରେ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସା କରିଯାଇଥିଲା । ଗୁରୁତର ଦୁଃଶାସନ ସାମାନ୍ୟ ସୁସ୍ଥ ହେବାପରେ ଡାକ୍ତର ତାଙ୍କୁ ଘରକୁ ଯିବାକୁ ପରାମର୍ଶ ଦେଇଥିଲେ ।
ଘରକୁ ଫେରିବା ପରେ ସେ ବନ ବିଭାଗର ଦ୍ୱାରସ୍ଥ ହେବା ସହ ଲିଖିତ ଭାବେ ବନାଞ୍ଚଳ ଅଧିକାରୀଙ୍କୁ ଜଣାଇଥିଲେ । ଏହା ଭିତରେ ଏକ ବ୍ରଷ ବିତିଯାଇଥିଲେ ମଧ୍ୟ ତାଙ୍କୁ କ୍ଷତି ପୂରଣ ମିଳି ନଥିବା ଦୁଃଶାସନ ଅଭିଯୋଗ କରିଛନ୍ତି । ସେହିପରି ଗତବର୍ଷ ନେଡ୍ରିଖୋଲରେ ବାବାଜୀ ଦେହୁରୀଙ୍କ ପାଚିଲା ଧାନ ବିଲରେ ହାତୀପଲ ମାଡିଦଳି ବ୍ୟାପକ କ୍ଷୟକ୍ଷତି କରିଥିଲେ । ସେ ମଧ୍ୟ କୌଣସି କ୍ଷତି ପୂରଣ ପାଇ ନଥିବା ଅଭିଯୋଗ କରିଛନ୍ତି । ଏହି ଦୁଇଜଣଙ୍କୁ ଆର୍ଥିକ ଅବସ୍ଥା ସେତେ ଭଲ ନଥିବାରୁ ସରକାରୀ ସହାୟତା ଯୋଗାଇ ଦେବା ପାଇଁ ଦାବୀ ହୋଇଛି ।
