ଭୁବନେଶ୍ୱର : ପୁରୀ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପାଇଁ ନିମନ୍ତ୍ରଣ ଯାତ୍ରା ଆରମ୍ଭ ହୋଇଛି। ମଙ୍ଗଳବାର ପ୍ରଭୁ ଲିଙ୍ଗରାଜଙ୍କୁ ନିମନ୍ତ୍ରଣ ପାଇଁ ସେବାୟତ ଭୁବନେଶ୍ୱର ଲିଙ୍ଗରାଜ ମନ୍ଦିରରେ ପହଞ୍ଚିଛନ୍ତି। ନିମନ୍ତ୍ରଣ ପତ୍ର ଦେବାକୁ ପୁରୀରୁ ସେବାୟତ ଆସିଛନ୍ତି। ମନ୍ଦିର ଭିତରକୁ ସେବାୟତଙ୍କୁ ପାଛୋଟି ନେଇଛନ୍ତି। ଘଣ୍ଟଘଣ୍ଟାରେ ପରିବେଶ ପ୍ରକମ୍ପିତ ହେଉଛି। ଶ୍ରୀ ଲିଙ୍ଗରାଜ ମନ୍ଦିର ପ୍ରଶାସନ ପକ୍ଷରୁ ଶ୍ରୀମନ୍ଦିର ପ୍ରଶାସନଙ୍କୁ ଏକାମ୍ର କ୍ଷେତ୍ରରେ ଭବ୍ୟ ସ୍ବାଗତ କରାଯାଇଛି।
ଜାନୁଆରୀ ୧୭ରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ପ୍ରତିଷ୍ଠା କରାଯିବ। ଜାନୁଆରୀ ୧୭ ରୁ ୫ ଦିନ ପୂଜାର୍ଚ୍ଚନା ମଧ୍ୟ କରାଯିବ।
ସୂଚନା ଯୋଗ୍ୟ, ଡିସେମ୍ବର ୨୧ରେ ଶ୍ରୀମନ୍ଦିର ପରିକ୍ରମା ପ୍ରକଳ୍ପ ଲୋକାର୍ପଣ ଉତ୍ସବ ପାଇଁ ମହାପ୍ରଭୁ ଶ୍ରୀଜଗନ୍ନାଥଙ୍କୁ ନିମନ୍ତ୍ରଣ କରାଯାଇଥିଲା। ଆସନ୍ତା ଜାନୁଆରୀ ୧୭ରେ ଅନୁଷ୍ଠିତ ହେବାକୁ ଥିବା ଏହି ଉତ୍ସବ ପାଇଁ ପ୍ରଥମ ନିମନ୍ତ୍ରଣ ପତ୍ର ମହାପ୍ରଭୁଙ୍କ ଶ୍ରୀଚରଣରେ ଅର୍ପଣ କରାଯାଇଛି।
Comments are closed.