ଭୁବନେଶ୍ୱର : କମିଶନରେଟ୍ ପୁଲିସକୁ ମିଳିଛି ବଡ ସଫଳତା । ଧରାପଡିଛନ୍ତି ବନ୍ଧୁକ ବେପାରୀ । ୬ ଜଣ ଦୁର୍ଦ୍ଦାନ୍ତ ଅପରାଧୀକୁ ସ୍ପେଶାଲ ସ୍କ୍ୱାର୍ଡ ପୁଲିସ ଗିରଫ କରିଛି । ଏନେଇ ସାମ୍ବାଦିକ ସମ୍ମିଳନୀ ଜରିଆରେ ସୋମବାର କମିଶନରେଟ୍ ପୁଲିସ ପକ୍ଷରୁ ସୂଚନା ମିଳିଛି । ଏମାନଙ୍କ ନିକଟରୁ ୫ଟି ପିସ୍ତଲ ଜବତ ହୋଇଛି।
ସୂଚନାନୁଯାୟୀ, କଟକ ଏବଂ ଭୁବନେଶ୍ୱରର ବିଭିନ୍ନ ଅଞ୍ଚଳରେ ଏମାନେ ବନ୍ଧୁକ ବେପାର କରୁଥିଲେ । କମିଶନରେଟ୍ ପୁଲିସକୁ ଚୋରା ବନ୍ଧୁକ ବେପାର ନେଇ ସୂଚନା ମିଳିବା ପରେ ବିଭିନ୍ନ ସ୍ଥାନରେ ଚଢାଉ କରି ବନ୍ଧୁକ ଜବତ କରିବା ସହ ବେପାରୀଙ୍କୁ ଗିରଫ କରିଛି । ଏମାନେ ବିହାରରୁ ବନ୍ଧୁକ ଆଣି ଓଡିଶାରେ ବିକ୍ରି କରୁଥିଲେ । ଏମାନେ କେନ୍ଦ୍ରାପଡା ଓ ଜଗତସିଂହପୁରରେ ମଧ୍ୟ ସକ୍ରିୟ ଥିଲେ। ବିଭିନ୍ନ ଅପରାଧୀଙ୍କ ସହ ମଧ୍ୟ ଜଡିତ ଥିବା ଜଣାପଡିଛି । ଏହି ମାମଲାରେ ଅନ୍ୟ କେଉଁମାନେ ସମ୍ପୃକ୍ତ ରହିଛନ୍ତି ସେନେଇ ପୁଲିସ ଘଟଣାର ତଦନ୍ତ ଜାରି ରଖିଛି।
ଦେଖନ୍ତୁ ଭିଡିଓ ; ଗୋଟିଏ ସେଲଫି ପାଇଁ କେମିତି ମୃତ୍ୟୁକୁ ଡାକୁଛନ୍ତି ଯୁବକ..
