mission shakti banner

ରାଜଧାନୀରେ ଚାଞ୍ଚଲ୍ୟ ; ସ୍ତ୍ରୀକୁ ହତ୍ୟା ପରେ ଝିଅର ତଣ୍ଟି କାଟିଲା ବାପା

nua o banner

ଭୁବନେଶ୍ୱର : ରାଜଧାନୀ ଭୁବନେଶ୍ୱରରେ ପୁଣି ଏକ ଚାଞ୍ଚଲ୍ୟକର ଘଟଣା ଘଟିଛି। ଘାଟିକିଆ ଅଞ୍ଚଳରେ ଜଣେ ବ୍ୟକ୍ତି ନିଜର ନାବାଳିକା ଝିଅର ତଣ୍ଟି କାଟି ହତ୍ୟା ଉଦ୍ୟମ କରିଥିବା ବେଳେ ସ୍ତ୍ରୀକୁ ହତ୍ୟା କରିଛି। ଝିଅର ବୟସ ୬ ବର୍ଷ ବୋଲି ଜଣାପଡିଛି। ପାରିବାରିକ କଳହରୁ ଏଭଳି ଘଟଣା ଘଟିଛି ବୋଲି ସନ୍ଦେହ କରାଯାଉଛି। ସ୍ତ୍ରୀର ଘଟଣା ସ୍ଥଳରେ ମୃତ୍ୟୁ ହୋଇଥିବା ବେଳେ ୬ ବର୍ଷ ଝିଅକୁ ଗୁରୁତର ଭାବେ ଉଦ୍ଧାର କରାଯାଇ ମେଡିକାଲରେ ଭର୍ତ୍ତି କରାଯାଇଛି। ତେବେ ଘଟଣା ପରେ ଅଭିଯୁକ୍ତ ଜଣକ ଫେରାର ହୋଇ ଯାଇଛି। ଅଭିଯୁକ୍ତ ଜଣକ ସଂଜିତ ବୋଲି ଜଣାପଡିଛି। ତାଙ୍କ ସ୍ତ୍ରୀ ସରସ୍ୱତୀ ଓ ୬ ବର୍ଷର ଝିଅ ସହ ୪ ଦିନର ଏକ ଶିଶୁ ଥିବା ନେଇ ସୂଚନା ମିଳିଛି।
ଘଟଣା ସ୍ଥଳରେ ଭୁବନେଶ୍ୱର ଡିସିପି ପ୍ରତୀକ ସିଂ ଓ ଅନ୍ୟ କର୍ମଚାରୀ ପହଞ୍ଚି ତଦନ୍ତ ଆରମ୍ଭ କରିଛନ୍ତି। ଭୁବନେଶ୍ୱର ଡିସିପିଙ୍କ ପ୍ରତିକ୍ରିୟା ଅନୁଯାୟୀ, ମୃତ ମହିଳା ଜଣକ ଏକ ନର୍ସ ଭାବେ କାମ କରୁଥିବା ବେଳେ ତାଙ୍କ ସ୍ୱାମୀ ନିଶାସକ୍ତ ବ୍ୟକ୍ତି ଥିଲେ ବୋଲି ସନ୍ଦେହ କରାଯାଉଛି। ଗତକାଲି ସନ୍ଧ୍ୟାରେ ଏହି ଘଟଣା ଘଟିଛି। ଗୁରୁତର ୬ ବର୍ଷର ଝିଅକୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ ସ୍ତ୍ରୀର ମୃତଦେହ ଜବତ କରାଯାଇଛି। ତଦନ୍ତ ପରେ ଘଟଣାର ପ୍ରକୃତ ସତ୍ୟାସତ୍ୟ ଜଣାପଡିବ ବୋଲି ଡିସିପି କହିଛନ୍ତି।

Comments are closed.