ଖରା ଦିନେ ଗରମ ପାଣିରେ ଗାଧୋଇବା ଅନୁଚିତ୍, ଜାଣନ୍ତୁ ଏହାର କାରଣ

ଖରା ଦିନେ ଗରମ ପାଣିରେ ଗାଧୋଇବା ଶରୀର ପାଇଁ କ୍ଷତିକାରକ ହୋଇଥାଏ। ଏହାଦ୍ବାରା ଶରୀରରେ ଅନେକ ପ୍ରକାରର ସମସ୍ୟା ସୃଷ୍ଟି ହୋଇଥାଏ। ଖରା ଦିନେ ଗରମ ପାଣିରେ ଗାଧୋଇବା ଦ୍ବାରା ଚର୍ମ ଶୁଷ୍କ ହେବା ସହ କେଶରେ ରୂପି ସମସ୍ୟା ହୋଇଥାଏ। କେଶ ଝଡିଥାଏ ଓ ଅନେକ ସମସ୍ୟା ଉତ୍ପନ୍ନ ହୋଇଥାଏ। ଖରା ଦିନେ ସୂର୍ଯ୍ୟଙ୍କ କିରଣରେ ଅତ୍ୟଧିକ ମାତ୍ରାରେ ଅତି ବାଇଗଣୀ ରଶ୍ମୀ ନିର୍ଗତ ହୋଇଥାଏ। ତେଣୁ ଖରା ଦିନେ ଗରମ ପାଣି ନ ଗାଧୋଇ କିଛି ଘରୋଇ ଉପଚାର ଆପଣେଇବା ଦରକାର।

ଆପଣଙ୍କ କେଶ ଶୁଷ୍କ ହୋଇ ଯାଇଥିଲେ ପ୍ରତି ଦିନ ସୋରିଷ ତେଲ କିମ୍ବା ନଡିଆ ତେଲକୁ ୫ମିନିଟ ପର୍ଯ୍ୟନ୍ତ କେଶରେ ମାଲିସ କରନ୍ତୁ। କେଶରେ ତେଲ ମାରିବା ଅତ୍ୟନ୍ତ ଭଲ ଅଟେ। ଏହା କେଶକୁ ଖରା ଠାରୁ ରକ୍ଷା କରିଥାଏ।

ଖରା ଦିନେ କେଶକୁ ସୁସ୍ଥ ରଖିବା ପାଇଁ ପାଣି ଓ ଦହିକୁ ମିଶାଇ ୧୫ମିନିଟ ମାଲିସ କରନ୍ତୁ। ଏହାପରେ ସଫା ପାଣିରେ କେଶ ଧୋଇ ଦିଅନ୍ତୁ। ଏପରି କରିବା ଦ୍ବାରା କେଶ ସୁସ୍ଥ ରହିଥାଏ।

କେଶ ଦୁଇ ମୁହାଁ ହୋଇ ଯାଇଥିଲେ ଅନେକ ସମସ୍ୟା ହୋଇଥାଏ। ତେଣୁ ପ୍ରଥମତଃ କେଶ ଧୋଇବା ବେଳେ ସାବଧାନ ହେବା ଉଚିତ। କେଶରେ ରୂପି ହୋଇଥିଲେ କେବେ ବି ଗରମ ପାଣିରେ ଧୁଅନ୍ତୁ ନାହିଁ।

ସର୍ବଦା କେଶ ଧୋଇବାର ୧୫ମିନିଟ ପୂର୍ବରୁ ହଳଦୀ ମାଲିସ କରନ୍ତୁ। କେଶରେ ହଳଦୀ ମାଲିସ କରିବା ଦ୍ବାରା କେଶ ମୂଳ ମଜଭୁତ ରହିଥାଏ। ଏହାସହ ନିଜ ଖାଦ୍ୟରେ ସଠିକ ମାତ୍ରାରେ ହଳଦୀ ସାମିଲ କରନ୍ତୁ।

ରୂପି ସମସ୍ୟା ଯାଉ ନ ଥିଲେ ଡାକ୍ତରଙ୍କ ପରାମର୍ଶ ନିଅନ୍ତୁ।

ସୁସ୍ଥ କେଶ ପାଇଁ ଖାଦ୍ୟରେ ଅଧିକ ଲିକ୍ବିଡ ଓ ସାଲାଡ ସାମିଲ କରନ୍ତୁ।

ପ୍ରତିଦିନ କେଶରେ ୧୦ମିନିଟ ପର୍ଯ୍ୟନ୍ତ ତେଲ ମାଲିସ କରିବା ଉଚିତ।

ସର୍ବଦା ଆୟୁର୍ବେଦ ଯୁକ୍ତ ସାମ୍ପୁ କେଶ ପାଇଁ ବ୍ୟବହାର କରିବା ଉଚିତ।