ବାସୁଦେବପୁର: ଯୌତୁକକୁ ନେଇ ବଧୂ ହତ୍ୟା ଅଭିଯୋଗ । ଏମିତି ଅଭିଯୋଗ ଆସିଛି ବାସୁଦେବପୁର ଥାନା ଅଧିନ ପୌରପାଳିକାର ମନ୍ଦାରୀ ଗ୍ରାମରୁ । ରାଜଘରପୋଖରୀ ପଞ୍ଚାୟତ ଲକ୍ଷ୍ମୀପ୍ରସାଦ ଗ୍ରାମର ଗୋବର୍ଦ୍ଧନ ରାଉତଙ୍କ ଝିଅ କବିତା ରାଉତ ମନ୍ଦାରୀ ଗ୍ରାମର ରତିକାନ୍ତ ଭୋଇଙ୍କୁ ଚଳିତ ବର୍ଷ ଫେବୃୟାରୀ ମାସରେ ବୈଦିକ ରିତି ନୀତିରେ ବିବାହ କରିଥିଲେ । ବିବାହ ପରଠାରୁ ଯୌତୁକ ଆଣିବାକୁ କେନ୍ଦ୍ର କରି କଳହ ଲାଗି ରହିଥିଲା । ଯାହାକୁ ନେଇ ଅନେକ ଥର ସମାଧାନ କରାଯାଇଥିବା ମୃତକଙ୍କ ବାପଘର ଲୋକେ କହିଛନ୍ତି । ତେବେ ମଙ୍ଗଳବାର ସକାଳ ସମୟରେ ତୁମ ଝିଅ ଡାକ୍ତରଖାନାରେ ଅଛି, ଶୀଘ୍ର ଆସ ବୋଲି କହି ଫୋନ ବନ୍ଦ କରିଦେଇଥିଲେ ଶାଶୂଘର ଲୋକ । ବାପଘର ଲୋକେ ତରବରରେ ବାସୁଦେବପୁର ଡାକ୍ତରଖାନାରେ ପହଞ୍ଚି ନିଜ ଝିଅ ମରି ପଡ଼ିଥିବା ଦେଖିବାକୁ ପାଇଥିଲେ । ଯୌତୁକ ପାଇଁ ଶଶୂଘର ଲୋକ ଝିଅକୁ ହତ୍ୟା କରିଥିବା ନେଇ ନିକଟସ୍ଥ ଥାନାରେ ଅଭିଯୋଗ ହୋଇଛି । ଅଭିଯୋଗକୁ ଭିତ୍ତି କରି ବାସୁଦେବପୁର ପୁଲିସ ଘଟଣାର ତଦନ୍ତ ଆରମ୍ଭ କରିବା ସହ ଶବ ବ୍ୟବଛେଦ ପାଇଁ ପଠାଇଛି ।
Popular Categories
Previous article
Next article