ବରପାଲି: ବରପାଲି ବ୍ଲକ ଲେଣ୍ଡା ଗାଁ ମୂଖ୍ୟ ରାସ୍ତାରେ ବିଦ୍ୟୁତ କେବୁଲ ତାର ସଂଯୋଗ ହୋଇ ଅଗ୍ନିପାତ ହେବାରୁ ଏକ ପାଳଗଦା ଜଳିଯିବା ସହ ଅଳ୍ପକେ ପାଖରେ ବନ୍ଧା ହୋଇଥିବା ଗୋରୁଗାଇ ବଞ୍ଚିଯାଇଥବା ଜଣାପଡ଼ିଛି। ସୂଚନାନୂ୍ଯାୟୀ ଗାଁର ପ୍ରଥମ ମୁଣ୍ଡରେ ସ୍ଥାପିତ ଟ୍ରାନ୍ସଫର୍ମରୁ ବାହାରିଥିବା ଏଲଟି ଖୋଲା ଆଲୁମିନିୟମ ତାର ପବନରେ ଦୋହଲିବା ସହ ଆପଣାଛାଏଁ ସଂଯୋଗି କରଣ ହୋଇ ନିଆଁହୁଳା ମାନ ଝରିଥିଲା। ମୂଖ୍ୟରାସ୍ତା କଡ଼ରେ ରହିଥିବା ଚତୃ କାଲସେଙ୍କ ପାଳଗଦାଟି ହୁହୁ ହୋଇ ଅଚାନକ ଜଳିଯାଇଥିଲା। ପାଖରେ ବନ୍ଧାହୋଇଥିବା ଗୋରୁଗାଇଙ୍କୁ ପାଖରେ ଚାଷକାର୍ଯ୍ୟରେ ବ୍ୟସ୍ତ ରହିଥିବା ଚାଷୀମାନେ ଘଟଣାସ୍ଥଳରେ ପହଞ୍ଚି ଗୋରୁଗାଇଙ୍କ ପଘା ଖୋଲି ଅନ୍ୟତ୍ର ବାହାର କରିଦେଇଥିଲେ। ପରେ ଖବରପାଇ ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ପାଳଗଦା ଓ ଆଖାପାଖ ଅଚଂଳକୁ ପାଣି ମାଡ଼ରେ ଲିଭାଇଥିଲେ।
Comments are closed.