ବରପାଲି: ବରପାଲି ତାଲୁକ ଆଇନ ସେବା ସମିତି ଓ ଓକିଲ ସଂଘ ମିଳିତ ଉଦ୍ୟମରେ ସ୍ଥାନିୟ ଡ଼ାକ୍ତରଖାନା ପରିସରରେ ସ୍ଥାପିତ କରୋନା ସଚେତନ କେନ୍ଦ୍ର ମାଧ୍ୟମରେ ସେବାକାର୍ଯ୍ୟ ଯୋଗାଇ ଦିଆଯାଉଛି। ତାଲୁକ ଆଇନ ସେବା ସମିତି ସଦସ୍ୟ ମାନେ ଦୁଇଟି ପର୍ଯ୍ୟାୟରେ ଦିନବେଳା ୮ ଘଣ୍ଟା ସେବା ଯୋଗାଉଥିବା ଜଣାପଡ଼ିିଥିଲା। ମୂଖ୍ୟତଃ କରୋନା ସଂକ୍ରମିତମାନଙ୍କୁ କାଡ଼ା ସାମଗ୍ରୀ ସାବୁନ ଓ ମାକ୍ସ ବିତରଣ କରିବା ସହ ପାଳନିୟ ବ୍ୟବସ୍ଥା ଉପରେ ବୁଝାଇବା ସହିତ ଗୁରୁତର ସଂକ୍ରମିତମାନଙ୍କୁ ଆମ୍ବୁଲାନ୍ସ ସୁବିଧା ଓ ଜିଲ୍ଲା ମୂଖ୍ୟ କୋଭିଡ ଚିକିତ୍ସା କେନ୍ଦ୍ରକୁ ପଠାଇବା ସହଯୋଗ଼ ଯୋଗାଇ ଦେଉଛନ୍ତି। ସେହିପରି କରୋନା ରଥ ପରିକ୍ରମା ମାଧ୍ୟମରେ ବିଭିନ୍ନ ଗାଁରେ ସର୍ବସାଧାରଣଙ୍କୁ କରୋନା ନିରାକରଣ ଦିଗକୁ ସମ୍ମାନ ଜଣାଇ ସରକାରଙ୍କ ଗାଇଡ଼ଲାଇନ ସହ ସଂକ୍ରମିତ ପରିବାର କିମ୍ବା ବ୍ୟକ୍ତି ବିଶେଷଙ୍କ ପାଳନିୟ କାର୍ଯ୍ୟକ୍ରମ ଉପରେ ମାକ୍ସ ବ୍ୟବହାର,ସାମଜିକ ଦୁରତ୍ୱ ସହ ଉଚିତ ଚିକିତ୍ସା ସମ୍ବନ୍ଧିତ ସେବା ସମ୍ପର୍କରେ ବୁଝାଇ ଦିଆଯାଉଛି।
ସଚେତନ କେନ୍ଦ୍ରରେ କରୋନା ସମ୍ବନ୍ଧିତ ସଠିକ ବାର୍ତ୍ତା ଓ ଉଚିତ ସହାୟତା ମୂଳକ ପରାମର୍ଶ ଯୋଗାଇ ଦିଆଯିବା ସହ ସାଧାରଣଙ୍କ ସହୟତା ପାଇଁ ଦୁଇଟି ମୋବାଇଲ ନମ୍ବର ଜାରି କରାଯାଇଛି। କେନ୍ଦ୍ର ଦାୟୀତ୍ୱ ଜାରି ହୋଇଥିବା ନମ୍ବର ମୋନାଇଲ ୯୯୩୭୭୩୩୪୩୩ ସହକାରୀ ସଭ୍ୟ ଡ଼ିରେକ୍ଟର ବେହେରା ଓ ୭୬୦୯୯୪୪୨୬୧ କୋର୍ଟ କର୍ମଚାରୀ ଅର୍ଜୁନ ଡ଼ାଲୁଆଙ୍କୁ ଦାୟିତ୍ୱ ନେଇଛନ୍ତି।
