ବାଙ୍କୀ: ଭାରତୀୟ ଜନତା ପାର୍ଟିର ସ୍ୱନକ୍ଷତ୍ର ଦିବସ ପାଳନ ଅବସରରେ ବାଙ୍କୀ ବିଜେପିର ୪୨ତମ ପ୍ରତିଷ୍ଠା ଦିବସ ବୁଧବାର ପୂର୍ବାହ୍ନରେ ପାଳିତ ହୋଇଯାଇଛି। ଗୋପାଳପୁର ମଣ୍ଡଳ ତଥା ବାଙ୍କୀ ନଗର ମଣ୍ଡଳର ସମସ୍ତ ବରିଷ୍ଠ କାର୍ଯ୍ୟକର୍ତ୍ତା ଯୋଗ ଦେଇଥିଲେ। ଏହି ଉତ୍ସବରେ ପ୍ରଥମେ ବାଙ୍କୀ ବିଜେପି ନେତା ଶୁଭ୍ରାଂଶୁ ମୋହନ ପାଢ଼ୀ ଯୋଗ ଦେଇ ବିଜେପିର ଦଳୀୟ ପତାକା ଉତ୍ତୋଳନ କରିଥିଲେ। ପରେ ପରେ ୨ଟି ୱାର୍ଡ଼ରେ ପଦଯାତ୍ରା କରାଯାଇଥିଲା। ଏହି ଅବସରରେ ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କର କାର୍ଯ୍ୟକର୍ତ୍ତାଙ୍କ ଉଦ୍ଦେଶ୍ୟରେ ପ୍ରେରିତ ବାର୍ତ୍ତାକୁ ଟିଭି ମାଧ୍ୟମରେ ବସି ଶୁଣିଥିଲେ। କାର୍ଯ୍ୟକ୍ରମରେ ଗୋପାଳପୁର ମଣ୍ଡଳ ସଭାପତି ବିପ୍ରବର ଲେଙ୍କା, ନଗର ମଣ୍ଡଳ ସାଧାରଣ ସମ୍ପାଦକ ସରୋଜ କୁମାର ସାମନ୍ତରାୟ, ଗୋପାଳପୁର ସଭାପତି ଦୁର୍ଯ୍ୟୋଧନ ସାହୁ, ନରଗାଙ୍ଗ ପଞ୍ଚାୟତ ସଭାପତି ଗଣେଷ ଜେନା, ବାବୁଲି ପଣ୍ଡା, ପ୍ରକାଶ ବେହେରା, ସର୍ବେଶ୍ୱର ନାୟକ, ସୁରେନ୍ଦ୍ର ମହାପାତ୍ର, ପ୍ରଭାକାର ଜେନା, ଶିବପ୍ରସାଦ ମାଝି, ପରମାନନ୍ଦ ମନ୍ତ୍ରୀ, ଲିଟନ ମାଝି, ଶ୍ରୀକୃଷ୍ଣ ବେହେରା, ଦୀପକ ମହାପାତ୍ର, ଜିତେନ୍ଦ୍ର ସାହୁ ପ୍ରମୁଖ ଯୋଗଦେଇଥିଲେ। ସଂଗ୍ରାମ ବିଭୂତିରାୟ ସମସ୍ତଙ୍କୁ ଧନ୍ୟବାଦ ଦେଇଥିଲେ।
Comments are closed.