ବଣାଇଁ: ଟିକାୟତ ପାଲି ଥାନା ଅନ୍ତର୍ଗତ ମାରଡିହି ଗ୍ରାମର ପରମେଶ୍ବର କିସାନ ଗ୍ରାମ ନିକଟରେ ଥିବା ଏକ ମହୁଲ ଗଛରେ ବେକରେ ଗାମୁଛା ଦେଇ ଆତ୍ମହତ୍ୟା କରିଥିବା ଜଣାପଡିଛି। ଘଟଣାରୁ ପ୍ରକାଶ ଯେ ଟିକାୟତ ପାଲି ଥାନା ଅନ୍ତର୍ଗତ ମାରଡିହି ଗ୍ରାମର ପରମେଶ୍ବର କିସାନ(୬୨) ଗତ ରାତିରେ ଘର ଲୋକଙ୍କ ଅଜାଣତରେ ରାତିରେ ଘରୁ କୁଆଡେ ଚାଲିଯାଇଥିଲେ। ସକାଳୁ ଘର ଲୋକ ବହୁତ ଖୋଜାଖୋଜି କରିଥିଲେ ମଧ୍ୟ ତାଙ୍କର କୌଣସି ଖବର ପାଇ ନଥିଲେ। ପରେ କୌଣସି ସୂତ୍ରରୁ ଖବର ପାଇ ପରିବାର ଲୋକେ ନିକଟସ୍ଥ ମନ୍ଦିର ନିକଟରେ ଥିବା ଏକ ମହୁଲ ଗଛରେ ତାଙ୍କ ମୃତଦେହ ଝୁଲୁଥିବା ଦେଖିବାକୁ ପାଇଥିଲେ। ଏହା ଦେଖି ତାଙ୍କ ପୁଅ ବାଣେଶ୍ୱର କିସାନ ଟିକାୟତ ପାଲି ଥାନା କୁ ଯାଇ ଏ ବାବଦରେ ଖବର ଦେଇଥିଲେ।
ଖବର ପାଇ ଟିକାୟତ ପାଲି ପୁଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରିବା ସହିତ ବ୍ୟବଛେଦ ନିମନ୍ତେ ଵଣାଇଁ ଡାକ୍ତରଖାନାକୁ ପଠାଇବା ସହିତ ଏକ ଅପମୃତ୍ୟୁ ମାମଲା ରୁଜୁ କରି ଘଟଣାର ତଦନ୍ତ ଜାରି ରଖିଥିବା ଜଣାପଡିଛି।
Comments are closed.