bjd  ek lkhya koti banner

ଚା’ ବ୍ୟବସାୟୀଙ୍କ ସାଧୁତା -ପାଇଥିବା ଟଙ୍କା ଫେରାଇଲେ

mission shakti banner

ଧର୍ମଶାଳା  (ନିପ୍ର) : ଧର୍ମଶାଳା ଥାନା ୧୬ନଂ ଜାତୀୟ ରାଜପଥର ଜାରକା ଛକ ନିକଟରେ ଗତ୧୪ତାରିଖରେ ମନିପର୍ସ ଭର୍ତ୍ତି ଟଙ୍କା ରାସ୍ତାରେ ପଡ଼ିଥିଲା। ଏହାକୁ ସ୍ଥାନୀୟ ଚୋରମୁହାଁ ଗ୍ରାମର କୃଷ୍ଣଚନ୍ଦ୍ର ଦଳେଇ ପାଇଥିଲେ। ସେ ବୃତ୍ତିରେ ଜଣେ ଚା’ ବ୍ୟବସାୟୀ ହୋଇଥିବା ବେଳେ ଟଙ୍କା ଭର୍ତି ପର୍ସ ପାଇଥରଲେ ମଧ୍ୟ ତାଙ୍କ ମନରେ ଲୋଭ ଆସିନଥିଲା। ସେହି ପର୍ସରେ ଏକ ଭୋଟର କାର୍ଡ ରହିଥିଲା। ଯାହା ଫଳରେ ଟଙ୍କା ହଜାଇଥିବା ବ୍ୟକ୍ତିଙ୍କର ପରିଚୟ ମିଳିଥିଲା। ମୟୁରଭଞ୍ଜ ଜିଲା ବାଙ୍ଗରିପଶି ଅଞ୍ଚଳର ବିରେନ ପିଙ୍ଗୁଆ ବୋଲି ଜଣାପଡ଼ିଥିଲା। ଟଙ୍କା ସହ ପରିଚୟ ପତ୍ର ପାଇବା ପରେ କୃଷ୍ଣଚନ୍ଦ୍ର ପୁଅକୁ କହି ସାମାଜିକ ଗଣମାଧ୍ୟମରେ ଏହାକୁ ପୋଷ୍ଟ କରିଥିଲେ। ଏଥିସହ ସ୍ଥାନୀୟ ବଜାର କମିଟି ଓ ଜାରକା ଫାଣ୍ଡି ଅଧିକାରୀଙ୍କୁ ଏନେଇ ଜଣାଇଥିଲେ। ତେବେ ଟଙ୍କା ହଜାଇଥିବା ବ୍ୟକ୍ତିଙ୍କର ଠିକଣା ଠାବ କରି ତାଙ୍କୁ ଖବର ଦିଆଯାଇଥିଲା। ଆଜି ବିରେନ ଜାରକା ଫାଣ୍ଡିରେ ପହଞ୍ଚି ଉପଯୁକ୍ତ ପ୍ରମାଣ ଦେଇ ହଜାଇଥିବା ନିଜ ଟଙ୍କା ଫେରିପାଇଥିଲେ। ଏନେଇ ସେ ଖୁସି ଜାହିର କରିବା ସହ କୃଷ୍ଣଚନ୍ଦ୍ରଙ୍କୁ କୃତଜ୍ଞତା ଜ୍ଞାପନ କରିଥିଲେ। ଟଙ୍କା ଫେରସ୍ତ ସମୟରେ ଜାରକା ଫାଣ୍ଡି ଅଧିକାରୀ ରାଜକିଶୋର ନାୟକ, ଜାରକା ବଜାର ବ୍ୟବସାୟୀ ସଂଘର କର୍ମକର୍ତା ପ୍ରମୁଖ ଉପସ୍ଥିତ ଥିଲେ।

Comments are closed.