ବେଗୁନିଆ: ବାଘମାରୀ ଥାନା ଅନ୍ତର୍ଗତ ଚୋତିପାଳଙ୍ଗ ନିକଟରେ ଡ଼ାଳତୋଳା ପରିବା ହାଟରୁ ଜଣେ ପରିବା ବେପାରୀ ପରିବା ବିକ୍ରି କରି ଫେରୁଥିବା ସମୟରେ ୩ ଜଣ ଯୁବକ ତାଙ୍କୁ ବନ୍ଧୁକ ମୁନରେ ଆକ୍ରମଣ କରି ଆହତ କରିବା ପରେ ତାଙ୍କ ଠାରୁ ୮ ହଜାର ଟଙ୍କା ଲୁଟି ନେଇ ଫେରାର ହୋଇଯାଇଥିଲେ। ଏ ସଂକ୍ରାନ୍ତରେ ଗତକାଲି ବାଘମାରୀ ଥାନାରେ ଅଭିଯୋଗ ହେବାପରେ ପୁଲିସ ଘଟଣାର ତଦନ୍ତ କରୁଛି । ବୈଦେଶ୍ୱର ଖଜୁରିପଦା ଗ୍ରାମର ତ୍ରିନାଥ ପ୍ରଧାନ ଡାଳତୋଳା ପରିବା ହାଟରୁ ବେପାର ସାରି ରାତି ୧୦.୩୦ ରେ ଘରକୁ ଫେରୁଥିଲେ। ସମ୍ପୃକ୍ତ ସ୍ଥାନରୁ ଏକ ବାଇକରେ ଆସିଥିବା ୩ ଜଣ ଯୁବକ ତାଙ୍କୁ ଅଟକାଇ ବନ୍ଧୁକ ମୁନରେ ଆକ୍ରମଣ କରି ଆହତ କରିଥିଲେ। ତାଙ୍କ ନିକଟରେ ଥିବା ୮ ହଜାର ଟଙ୍କା ଲୁଟ କରି ଘଟଣାସ୍ଥଳରୁ ସେମାନେ ଚମ୍ପଟ ମାରିଥିଲେ। ଡାକ୍ତରଖାନାରେ ଚିକିତ୍ସିତ ହେବା ପରେ ଗତକାଲି ରାତିରେ ସେ ବାଘମାରୀ ଥାନାରେ ଏସଂକ୍ରାନ୍ତରେ ଅଭିଯୋଗ କରିଛନ୍ତି ।ବାଘମାରୀ ଥାନା ଏସ ଆଇ ବ୍ରହ୍ମ।ନନ୍ଦ ସ୍ୱାଇଁ ୩୧/୨୨ନଂ ମୋକଦମା ରୁଜୁ କରି ଘଟଣାର ତଦନ୍ତ କରୁଛନ୍ତି ।
Comments are closed.