ଢେଙ୍କାନାଳ ସଦର : ଢେଙ୍କାନାଳ ସଦର ଥାନା ଅନ୍ତର୍ଗତ ଛାଟିଆ ଗ୍ରାମରେ ଗଣେଶ ପୂଜା ଭାସାଣୀ ଶୋଭଯାତ୍ରା ବେଳେ ଦୁଇ ଗୋଷ୍ଠୀଙ୍କ ମଧ୍ୟରେ ତୁମୁଳ କାଣ୍ଡ ଘଟିଛି । ଅପର ଗୋଷ୍ଠୀର ଟାଙ୍ଗିଆ ଚୋଟରେ ଜଣଙ୍କର ଅନ୍ତଃ ବୁଜୁଳା ବାହାରି ପଡିଛି। ଗୁରୁତର ଅବସ୍ଥାରେ ରଞ୍ଜନ ବେହେରା (୩୪)ଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଛି। ଅବସ୍ଥା ଗୁରୁତର ହେବାରୁ କଟକ ବଡ଼ ଡାକ୍ତରଖାନା ସ୍ଥାନାନ୍ତର କରାଯାଇଛି। ପ୍ରକାଶ ଯେ ଛାଟିଆ ଗାଁରେ ଗୁରୁବାର ଗଣେଶ ପୂଜା ଭାସାଣୀ ରାତି ପ୍ରାୟ ସାଢେ ୧ଠ ଟା ସମୟରେ ଏହି ଘଟଣା ଘଟିଥିବା ଜଣାଯାଇଛି। ଆହତ ରଞ୍ଜନଙ୍କ ମା ଉର୍ମିଳା ବେହେରା ଏ ନେଇ ଆଜି ସଦର ଥାନାରେ ଲିଖିତ ଏତଲା ଦେଇଛନ୍ତି।
ପ୍ରମୋଦ ରାଉତ ଏବଂ ଅଶୋକ ରାଉତଙ୍କ ନାମରେ ଅଭିଯୋଗ ରହିଛି । ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଜାରି ରଖିଛି । ଏହି ଘଟଣାରେ କାହାରିକୁ ଗିରଫ କରାଯାଇନାହିଁ।
Comments are closed.