ସୁଆଣ୍ଡୋ : ପୂର୍ବ ଶତୃତାକୁ କେନ୍ଦ୍ର କରି ଶନିବାର ରାତିରେ ଜଣେ ଦୋକାନୀଙ୍କ ଗୋଡକୁ କେତେକ ଦୁର୍ବୃତ୍ତ ଫାର୍ସାରେ ହାଣି ଦେଇଥିବା ଅଭିଯୋଗ ହୋଇଛି। ସୂଚନା ଅନୁସାରେ, କରଡି ଗ୍ରାମର ଅଶୋକ ଦାସ ( ୩୦ ) ଜମୁନା କୁଦ ବଜାରରେ ଗାଡିଧୁଆ ସର୍ଭିସ ଷ୍ଟେସନ କରି ନିଜର ଗୁଜୁରାଣ ମେଣ୍ଟାଉଥିଲେ। ବିଗତ ଦିନରେ ଟୋଲ ଗେଟ ବାହାନାରେ କେତେକ ଯୁବକ ଏଠାରେ ଗଣ୍ଡଗୋଳ କରୁଥିଲେ। ଏହାକୁ କେନ୍ଦ୍ର କରି ସ୍ଥାନୀୟ କେତେଜଣ ଟୋଲ ଗେଟ ଭଙ୍ଗାରୁଜା କରିଥିଲେ। ଦୀର୍ଘ ଦିନର ଅସନ୍ତୋଷକୁ ନେଇ ଛଅ ଜଣ ଯୁବକ ମାରଣାସ୍ତ୍ର ଧରି ଆକ୍ରମଣ କରିବାକୁ ଆସି ଫାର୍ସାରେ ତାଙ୍କ ବାମ ଗୋଡ଼କୁ ହାଣି ଦେଇଥିଲେ ବୋଲି ଅଶୋକ ଚନ୍ଦନପୁର ଥାନାରେ ଅଭିଯୋଗ କରିଛନ୍ତି। ଏହି ଘଟଣାକୁ ନେଇ ଉତ୍ତେଜିତ ଲୋକମାନେ ରାସ୍ତାରୋକ କରିଥିଲେ। ଘଟଣାସ୍ଥଳରେ ଥାନା ଅଧିକାରୀ ପହଞ୍ଚି ବୁଝାସୁଝା କରିବା ପରେ ରାସ୍ତାରୋକ ପ୍ରତ୍ୟାହାର ହୋଇଥିଲା।
Popular Categories
Previous article
Next article