ପିପିଲି, :ପିପିଲି-ଡେଲାଙ୍ଗ ରାସ୍ତାର ବାଜପୋଇ ଛକ ଠାରେ ଥିବା ଏସ୍ବିଆଇ ଏଟିଏମ୍ରୁ ୮ଟି ମୂଲ୍ୟବାନ ବ୍ୟାଟେରୀ ଚୋରୀ ହୋଇଥିବା ନେଇ ପିପିଲି ପୁଲିସରେ ଅଭିଯୋଗ ହୋଇଛି । ଉକ୍ତ ଏଟିଏମ୍ର ପଛ ପାଶ୍ୱର୍ରେ ଥିବା ଘରର କବାଟକୁ ତାଡି ଦୁର୍ବୁତ୍ତ ମାନେ ସେଠାରେ ଥିବା ୮ଟି ମୂଲ୍ୟବାନ ବ୍ୟାଟେରୀକୁ ନେଇଯାଇଛନ୍ତି ।
ଏଟିଏମ୍ରେ ଲାଗିଥିବା ସିସି କ୍ୟାମେରାକୁ ମଧ୍ୟ ଦୁର୍ବୁତ୍ତମାନେ ଭାଙ୍ଗି ଦେଇଥିବା ପରିଲକ୍ଷିତ ହୋଇଛି । ବୁଧବାର ସକାଳେ ଏହା ଦେଖିବା ପରେ ସ୍ଥାନୀୟ ଲୋକେ ପିପିଲି ପୁଲିସ ସମେତ ବ୍ୟାଙ୍କ କତ୍ତୃପକ୍ଷଙ୍କୁ ଖବର ଦେଇଥିଲେ । ଏଟିଏମ୍ ଦାୟିତ୍ୱରେ ଥିବା ଭୁବନେଶ୍ୱରର ସିଏମ୍ଏସ୍ ଇନ୍ଫୋ ସିଷ୍ଟମ୍ସ ପ୍ରାଇଭେଟ୍ ଲିଃ ପକ୍ଷରୁ ଏନେଇ ପିପିଲି ପୁଲିସରେ ଲିଖିତ ଅଭିଯୋଗ କରାଯାଇଛି । ପିପିଲି ପୁଲିସ ଘଟଣାର ତଦନ୍ତ ଚଳାଇବା ସହ ଚୋରଙ୍କୁ ଧରିବା ପାଇଁ ଉଦ୍ୟମ ଜାରି ରଖିଥିବା ସୂଚନା ମିଳିଛି ।
ଫଟୋ ଆଟାଚ ଅଛି ।
Comments are closed.