ନୂଆଦିଲ୍ଲୀ : ଇଭି ନିର୍ମାତା କମ୍ପାନୀ ଏଥର ଏନର୍ଜି ଲିମିଟେଡ୍ ୨୦୨୫ ଏଥର ୪୫୦କୁ ଅନେକ ନୂଆ ଫିଚର୍ସ ସହିତ ନେଇଆସିଛି । ନୂଆ ୪୫୦ଏକ୍ସ ଓ ୪୫୦ ଏପେକ୍ସ ସ୍କୁଟରରେ ଏବେ ୩ ଅଲଗା ଅଲଗା ମୋଡ୍ ସହିତ ମଲ୍ଟି-ମୋଡ୍ ଟ୍ରାକ୍ସନ କଣ୍ଟ୍ରୋଲ ମିଳିବ ଯାହା ସୁରକ୍ଷାକୁ ବୃଦ୍ଧି କରିବ । ନୂଆ ଅପଡେଟ୍ସରେ ୪୫୦ଏକ୍ସ ମଡେଲକୁ ମ୍ୟାଜିକ୍ ଟ୍ବିଷ୍ଟ ଓ ଟ୍ରାକ୍ସନ କଣ୍ଟ୍ରୋଲ ଭଳି ଆଡଭାନ୍ସ ଫିଚର୍ସ ମିଳିଛି । ଏହାର ଦାମ୍ ୧,୨୯,୯୯୯ ଟଙ୍କାରୁ ଆରମ୍ଭ ହେଉଛି । ସେହିଭଳି ଟପ୍ ମଡେଲର ଦାମ୍ ୧,୯୯,୯୯୯ ଟଙ୍କା ପର୍ଯ୍ୟନ୍ତ ଯାଇଥାଏ ।
ରାଇଡର ୩ ଅଲଗା ଅଲଗା ମୋଡ୍- ରେନ୍ ମୋଡ୍, ରୋଡ୍ ମୋଡ୍ ଏବଂ ରାଲି ମୋଡରେ ଏହାକୁ ଚଲାଇପାରିବେ । ଫୁଲ ଚାର୍ଜ କରି ଏଥର ୪୫୦ଏକ୍ସରେ ୧୬୧ କିଲୋମିଟର ଏବଂ ୪୫୦ ଏପେକ୍ସରେ ୧୫୭ କିଲୋମିଟର ପର୍ଯ୍ୟନ୍ତ ଯାତ୍ରା କରିହେବ । ଉଭୟ ଗାଡିରେ ଗୁଗଲ ମ୍ୟାପ୍ସ, ଏଲେକ୍ସା, ଡ୍ୟାଶବୋର୍ଡରେ ହ୍ବାଟ୍ସଆପ୍ ନୋଟିଫିକେସନ୍ ଭଳି ଫିଚର୍ ମିଳିବ ।
