ଆଠଗଡ: ଆଠଗଡର ବିଭିନ୍ନ ମସଜିଦ୍ରେ ଗୁରୁବାର ପବିତ୍ର ଇଦ୍-ଉଲ୍-ଫିତର ଆନନ୍ଦ ଉଲ୍ଲାସ ମଧ୍ୟରେ ପାଳିତ ହୋଇଯାଇଛି। ବିଗତ ୧ମାସ ଧରି ମୁସଲମାନ ଭାଇଭଉଣୀମାନେ ରମଜାନ୍ ଉପବାସ ବା ରୋଜା ରଖିବା ସହ ସ୍ୱତନ୍ତ୍ର ନମାଜ ପାଠ କରିଆସୁଥିଲେ। ଏକମାସ ପରେ ନୂଆ ଇଦ୍ ଜହ୍ନ ଦର୍ଶନ ପରେ ସମସ୍ତଙ୍କ ମନରେ ଆନନ୍ଦ ଉଲ୍ଲାସ ଭରି ଯାଇଥିଲା। ଇଦ୍ର ପୂର୍ବଦିନ ଘରେ ଘରେ ପ୍ରସ୍ତୁତି ବିଶେଷ କରି ମହିଳା ଓ ଝିଅମାନେ ହାତରେ ମେହେନ୍ଦି ସାଙ୍ଗକୁ ନୂଆବସ୍ତ୍ର, ସାଜସଜ୍ଜା ଓ ବିଭିନ୍ନ ସୁସ୍ୱାଦୁ ଖାଦ୍ୟ ପ୍ରସ୍ତୁତ କରିଥିଲେ।
ଇଦ୍ ପାଇଁ ଆଠଗଡ ଅଞ୍ଚଳରେ ଥିବା ମସ୍ଜିଦ୍ଗୁଡିକୁ ସୁନ୍ଦର ସାଜସଜ୍ଜା କରାଯାଇଥିଲା। ଇଦ୍ ପର୍ବ ହେଉଛି ଦାନର ପର୍ବ। ତେଣୁ ଥିଲାବାଲା ଲୋକେ ଗରିବଙ୍କୁ ଅର୍ଥ, କପଡା ଓ ଖାଦ୍ୟ ସାମଗ୍ରୀ ଆଦି ଦାନ କରିଥିଲେ। ଇଦ୍ ପର୍ବ ସକାଳେ ସମସ୍ତେ ନୂଆବସ୍ତ୍ର ପରିଧାନ କରି ମସ୍ଜିଦ୍କୁ ଯାଇ ନମାଜ ପାଠ କରିଥିଲେ। ପରେ ସମସ୍ତେ ନିଜ ନିଜ ମଧ୍ୟରେ ଥିବା ରାଗ, ରୁଷା, କ୍ରୋଧ, ତ୍ୟାଗ କରି ପରସ୍ପରକୁ ଆଲିଙ୍ଗନ କରିବା ସହ ହାତ ମିଳାଇଥିଲେ।
ଆଠଗଡ ହେଉଛି ଭାଇଚାରାର ସହର, ତେଣୁ ବହୁ ସଂଖ୍ୟାରେ ହିନ୍ଦୁ ଭାଇ ଇଦ୍-ଉଲ୍-ଫିତରକୁ ମିଳିତ ଭାବେ ପାଳନ କରିଥିଲେ। ଆଠଗଡର ପୁରାତନ ତଥା ବଡ ମସ୍ଜିଦ୍ରେ ୪ଶହରୁ ଅଧିକ, ସାନ ମସ୍ଜିଦ୍ରେ ୧୦୦ରୁ ଉର୍ଦ୍ଧ ଓ କନ୍ତୋଲ ମସ୍୍ଜିଦ୍ରେ ୪୦ରୁ ଉର୍ଦ୍ଧ ମୁସଲମାନ ଭାଇ ନମାଜ ପାଠ କରିଥିଲେ।
ଆଠଗଡ ବଡ ମସଜିଦ୍ରେ ଇମାମ୍ ମହମ୍ମଦ ମୁଜାହିଦ୍ ରଜ୍ଜା, ସାନ ମସ୍ଜିଦ୍ରେ ଇମାମ ମହମ୍ମଦ ବିଲାଲ, ମୌଲାନା ଇଫ୍ତେକାର ଆଲମ ନମାଜ ପାଠ କରାଇଥିଲେ। ମହମ୍ମଦ୍ ଅମିନ, ସଇଦ୍ ମହମ୍ମଦ୍, ମହମ୍ମଦ ଅସଫାକ ହୁସେନ, ସୁରଜ୍ ମହମ୍ମଦ, ଅବଦୁଲ ଜମିର, ଖାଲିଦ୍ ମହମ୍ମଦ, ମହମ୍ମଦ୍ ଅସ୍ଲମ୍, ରମଜାନ ମହମ୍ମଦ୍, ପ୍ରମୁଖ ସମସ୍ତ କାର୍ଯ୍ୟକ୍ରମ ପରିଚାଳନା କରିଥିଲେ।
Comments are closed.