ଆଠଗଡ: କଟକ ଜିଲା ଅବକାରୀ ଅଧିକ୍ଷକ ଦେବାଶିଷ ପଟେଲଙ୍କ ନିର୍ଦେଶକ୍ରମେ ଆଠଗଡ ଉପ ଅଧିକ୍ଷକ ଅଭିରାମ ସାହୁଙ୍କ ନେତୃତ୍ୱରେ ଅବକାରୀ ଚଢାଉ କରାଯାଇଥିଲା। ଆଠଗଡ ଅବକାରୀ ବିଭାଗ ପକ୍ଷରୁ ଆଠଗଡ ଥାନା ଅନ୍ତର୍ଗତ କଲରାଗଡ ନିକଟରେ ଚଢାଉ କରାଯାଇ ଏକ ମାରୁତି ଗାଡି ଜବତ କରାଯାଇ ସେଥିରେ ଥିବା ଏକାଧିକ ପ୍ଲାଷ୍ଟିକ ଜାରକିନରେ ୧୮୯୦ଲିଟର ଚୋରାମଦ ଜବତ କରାଯିବା ସହ ଜଣେ ଅଭିଯୁକ୍ତକୁ ଗିରଫ କରାଯାଇଛି।
କଲରାଗଡର ପ୍ରଦୀପ କୁମାର ରାଉତଙ୍କ ପୁଅ ସନ୍ଦିପ ରାଉତ ମଦ ଚାଲାଣ କରୁଥିବାବେଳେ ଗିରଫ ହୋଇଥିବା ଜଣାପଡିଛି। ଭ୍ରାମ୍ୟମାଣ ସ୍କାର୍ଡ ନିରୀକ୍ଷକ ଅଭିରାମ ସାହୁ, ଆଠଗଡ ଅବକାରୀ ଉପନିରୀକ୍ଷକ ଅରୁଣ ଭୋଇ, ବାଙ୍କୀ ଉପନିରୀକ୍ଷକ ସୌମ୍ୟରଞ୍ଜନ ମାଝି, ଭ୍ରାମ୍ୟମାଣ ସ୍କାର୍ଡ ଉପନିରୀକ୍ଷକ ଜ୍ୟୋତିର୍ମୟୀ ଦାସ, ସହକାରୀ ଉପନିରୀକ୍ଷକ ନିର୍ମଳ ବେହେରା, ସନାତନ ବେହେରା, ସନ୍ତୋଷ କୁମାର ବେହେରାଙ୍କ ସମେତ ବହୁ ଅବକାରୀ କର୍ମଚାରୀ ଏହି ଚଢାଉରେ ଅଂଶଗ୍ରହଣ କରିଥିଲେ।
