ଆଠଗଡ଼: ଆଠଗଡ଼ ଏନଏସିର ୧୮ନଂ ୱାର୍ଡ ଅନ୍ତର୍ଗତ ଶକ୍ତିନଗର ବିକାଶ ପରିଷଦ ଆନୁକୂଲ୍ୟରେ ୭୬ତମ ସ୍ୱାଧୀନତା ଦିବସ ପାଳିତ ହୋଇଯାଇଛି। ପରିଷଦର ସାଧାରଣ ସଂପାଦକ ଧରଣୀଧର ମହାପାତ୍ରଙ୍କ ସଂଯୋଜନାରେ ଆୟୋଜିତ ଏହି ଉତ୍ସବରେ ବରିଷ୍ଠ ସଦସ୍ୟ ପ୍ରଫୁଲ୍ଲ କୁମାର ସାମଲ ଜାତୀୟ ପତାକା ଉତ୍ତୋଳନ କରି ଭାରତର ସ୍ୱାଧୀନତା ଆନ୍ଦୋଳନର ଇତିହାସ ସଂପର୍କରେ ନିଜର ବକ୍ତବ୍ୟ ରଖିବା ସହିତ ଜାତିର ପିତା ମହାତ୍ମାଗାନ୍ଧିଙ୍କ ସମେତ ସମସ୍ତ ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ମୀନାକୁମାରୀ ମହାପାତ୍ର ମଧ୍ୟ ସାରଗର୍ଭକ ଭାଷଣ ଦେଇଥିଲେ। ଏହି ଅବସରରେ ଖୋ-ଖୋ କ୍ରୀଡାବିତ୍ ଟି ବଳରାମ ଦାସ ଓ ପରିଷଦର ବରିଷ୍ଠ ସଭ୍ୟ ରମେଶ ଚନ୍ଦ୍ର ସାହୁଙ୍କୁ ପୁଷ୍ପଗୁଚ୍ଛ, ଉତ୍ତରୀୟ ଦେଇ ସମ୍ବର୍ଦ୍ଧିତ କରାଯାଇଥିଲା। ସଭାପତି ଉପେନ୍ଦ୍ରନାଥ ଜେନାଙ୍କ ସମେତ ପରିଷଦର କର୍ମକର୍ତ୍ତା କିଶୋର ଚନ୍ଦ୍ର ଚୌଧୁରୀ, ସ୍ମୃତିରଞ୍ଜନ ରାଉତରାୟ, ପବିତ୍ରମୋହନ ସେଠୀ, ରାକେଶ ରୋସନ ସାହୁ, ଗୋବିନ୍ଦଚନ୍ଦ୍ର ମହାପାତ୍ର, ବିଚିତ୍ରାନନ୍ଦ ସାହୁ, ସବିତା ବେହେରା, ଯୁଗଳକିଶୋର ଭୂୟାଁ, ସଂଗ୍ରାମକେଶରୀ ମହାପାତ୍ର, ଜୟନାରାୟଣ ସିଠ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ।
Popular Categories
Previous article
Next article