ଆଠଗଡ : ଆଠଗଡ ବ୍ଲକ ରାଧାଗୋବିନ୍ଦପୁର ପଞ୍ଚାୟତ ଗୋବିନ୍ଦପୁର ବା ଚଉଦଘରିଆ ଗାଁ ନିକଟରୁ ଏକ ଆହତ ଅବସ୍ଥାରେ ଏକ ହରିଣ ଉଦ୍ଧାର ହୋଇଛି। ଚିକିତ୍ସା ପରେ ହରିଣଟିକୁ ବନବିଭାଗ ନର୍ସରୀରେ ରଖାଯାଇଥିବା ଜଣାପଡିଛି । ସୂଚନା ମୁତାବକ ଆଠଗଡ ବନାଞ୍ଚଳ ଅନ୍ତର୍ଗତ ସରଣ୍ଡା ବିଟ୍ ଅଧିନ ଜଙ୍ଗଲରେ ଏକ ଚିତ୍ରା ହରିଣ ଆହତ ଅବସ୍ଥାରେ ବୁଲୁଥିଲା। ଗ୍ରାମବାସୀଙ୍କଠାରୁ ସୂଚନା ପାଇ ବନପାଳ ଭାଗ୍ୟଶ୍ରୀ ଦାସ ହାତୀ ଜଗୁଆଳି ଓ ଗ୍ରାମବାସୀଙ୍କ ସହାୟତାରେ ହରିଣଟିକୁ ଉଦ୍ଧାର କରାଯାଇଥିଲା। ବୁଲା କୁକୁରଙ୍କ କାମୁଡା ଅଥବା ଉଚ୍ଚଡିଆଁ ଯୋଗୁଁ ହରିଣଟିର ଆଗ ବାମ ଗୋଡ ଭାଙ୍ଗି ଯାଇଥିବା ଦେଖିବାକୁ ମିଳିଥିଲା । ଡିଏଫଓ ଡାକ୍ତର ଯଜ୍ଞଦତ୍ତ ପତିଙ୍କ ନିର୍ଦ୍ଦେଶ କ୍ରମେ ପ୍ରାଣୀ ଚିକିତ୍ସାଳୟରେ ଚିକିତ୍ସା ପରେ ହରିଣଟିକୁ ବନଖଣ୍ଡିସ୍ଥିତ ବନବିଭାଗ ନର୍ସରୀରେ ରଖାଯାଇଛି । ସମ୍ପୂର୍ଣ୍ଣ ସୁସ୍ଥ ହେବା ପରେ ତାକୁ ନିକଟସ୍ଥ ଜଙ୍ଗଲରେ ଛଡାଯିବ ବୋଲି ରେଞ୍ଜର ରବିନ୍ଦ୍ର କୁମାର ନାୟକ ସୂଚନା ଦେଇଛନ୍ତି।
Popular Categories
Previous article
Next article