ଆଠଗଡ : ଆଠଗଡସ୍ଥିତ ଗୋପବନ୍ଧୁ ବିଜ୍ଞାନ କଲେଜ ରେଞ୍ଜର ୟୁନିଟ ରାଜ୍ୟପାଳଙ୍କ ଦ୍ବାରା ପୁରସ୍କୃତ ହୋଇଛି। ରାଜଭବନଠାରେ ଭାରତ ସ୍କାଉଟ ଓ ଗାଇଡର ରାଜ୍ୟସ୍ତରୀୟ ପୁରସ୍କାର ପ୍ରଦାନ ଉତ୍ସବ ଅନୁଷ୍ଠିତ ହୋଇଯାଇଛି। ଏଥିରେ ରାଜ୍ୟର ବିଭିନ୍ନ ବିଦ୍ୟାଳୟ ଓ ମହାବିଦ୍ୟାଳୟର କ୍ଲବ ବୁଲବୁଲ୍, ସ୍କାଉଟ-ଗାଇଡ ଏବଂ ରୋଭର-ରେଞ୍ଜର ମାନଙ୍କୁ ରାଜ୍ୟସ୍ତରୀୟ ପୁରସ୍କାର ପ୍ରଦାନ କରାଯାଇଥିଲା। ରାଜ୍ୟପାଳ ତଥା ଭାରତ ସ୍କାଉଟ୍ସ ଓ ଗାଇଡ୍ସରେ ଚିଫ୍ ପାଟ୍ରନ ହରିବାବୁ କମ୍ଭବପତି ମୁଖ୍ୟଅତିଥି ଭାବେ ଯୋଗଦେଇ ଜାତୀୟ ଓ ଆନ୍ତର୍ଜାତିୟ ସ୍ତରରେ କୃତିତ୍ବ ଅର୍ଜନ କରିଥିବା ସ୍କୁଲ ଓ କଲେଜ ୟୁନିଟକୁ ପୁରସ୍କାର ବିତରଣ କରିଥିଲେ।
ଆଠଗଡର ଗୋପବନ୍ଧୁ ବିଜ୍ଞାନ କଲେଜର ଶ୍ରୀମା ରେଞ୍ଜର ଦଳ ‘ଲିଙ୍ଗଗତ ଅସମାନତା’ ଉପରେ ଏକ ପ୍ରକଳ୍ପ ପାଇଁ ଜାତୀୟସ୍ତରୀୟ ‘ଲକ୍ଷ୍ମୀ ମଜୁମଦାର ସ୍ମାରକୀ ପୁରସ୍କାର ପାଇବାକୁ ଯୋଗ୍ୟତା ହାସଲ କରିଥିବାରୁ ରାଜ୍ୟପାଳଙ୍କ ଦ୍ବାରା ପୁରସ୍କୃତ ହୋଇଥିଲେ। କଲେଜର ଅଧ୍ୟକ୍ଷ ଡ.ଲୋକନାଥ ସାହୁ ଏବଂ ରେଞ୍ଜର ଲିଡର ଅଧ୍ୟାପିକା ଡ.ସୁରେଖା ଦାସ ରାଜ୍ଯପାଳଙ୍କ ଠାରୁ ପୁରସ୍କାର ଓ ପ୍ରମାଣପତ୍ର ଗ୍ରହଣ କରିଥିଲେ।
