ଭୁବନେଶ୍ୱର : କଂଗ୍ରେସ ଅଧ୍ୟକ୍ଷ ରାହୁଳ ଗାନ୍ଧୀ ହେଉଛନ୍ତି ମିଛର ଗୋଦାମ(ଫ୍ୟାକ୍ଟ୍ରୀ) ବୋଲି ବିଜେପି ରାଜ୍ୟ ପ୍ରଭାରୀ ଡ. ଅରୁଣ ସିଂ କହିଛନ୍ତି। ରବିବାର ବିଜୁ ପଟ୍ଟନାୟକ ବିମାନ ବନ୍ଦରଠାରେ ଗଣମାଧ୍ୟମକୁ ଡ. ସିଂ କହିଛନ୍ତି ଯେ ନିକଟରେ ଓଡ଼ିଶା ଗସ୍ତରେ ଆସିବାବେଳେ ରାହୁଳ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ନବୀନ ପଟ୍ଟନାୟକଙ୍କୁ ଯୋଡି ଯେଉଁ ମନ୍ତବ୍ୟ ଦେଇଛନ୍ତି ତାହା ଅତ୍ୟନ୍ତ ଦୁର୍ଭାଗ୍ୟଜନକ।
ଯେଉଁ ସରକାର ଦୀର୍ଘ ୭୦ବର୍ଷ ଦେଶ ଚଳାଇବା ପରେ ବି ଗରିବ ହଟିନାହିଁ, ସେ ଦଳର ମୁଖିଆଙ୍କଠାରୁ ଆଉ କ’ଣ ବା ଆଶା କରାଯାଇ ପାରେ। ତେବେ କଂଗ୍ରେସ କିଭଳି ଶୃଙ୍ଖଳିତ ତାହା ତାଙ୍କ କାର୍ଯ୍ୟକାରୀ ସଭାପତି ନବ ଦାସଙ୍କ ଇସ୍ତଫାରୁ ଜଣାଯାଇଛି। କେବଳ ଭାରତବର୍ଷ ନୁହେଁ ଓଡ଼ିଶାରେ ମଧ୍ୟ କଂଗ୍ରେସ ନିଜର ସତ୍ତା ହରାଇଛି ବୋଲି ଡ. ସିଂହ କହିଛନ୍ତି।
