ଆରଡି: ଆରଡିପୀଠ ବାବା ଆଖଣ୍ଡଳମଣିଙ୍କ ପୁଷ୍ପ ଉଦ୍ୟାନ ନିକଟରେ ଥିବା ଜଗନ୍ନାଥଙ୍କର ନୂତନ ମନ୍ଦିର ପ୍ରତିଷ୍ଠା ଉତ୍ସବ ଶେଷ ହେବା ପରେ ରବିବାର ଶ୍ରୀକ୍ଷେତ୍ର ପୁରିଧାମରୁ ଆସିଥିବା ବୈଦିକ ବ୍ରାହ୍ମଣ ଓ ସୂର୍ୟନାରାୟଣ ରଥଶର୍ମାଙ୍କ ମନ୍ତ୍ରପାଠରେ ଚତୁର୍ଦ୍ଧାମୂର୍ତ୍ତୀଙ୍କୁ ନୂତନ ମନ୍ଦିରକୁ ବିଜେ କରାଯିବା ସହ ରତ୍ନସିଂହାସନରେ ଅବସ୍ଥାନ କରାଯାଇଥିଲା। ଏହି ଅବସରରେ ବିଧିବିଧାନ ଅନୁଯାୟୀ ଭୋର ମଣିବାବାଙ୍କ ଦ୍ବାରଫିଟା ନୀତି ସହ ମଙ୍ଗଳ ଆଳତୀ ସରିବା ପରେ ରୁଦ୍ରାଭିଷେକ, ସୂର୍ଯ୍ୟପୂଜା ଆଦି ସମ୍ପର୍ଣ୍ଣ ହେବା ପରେ ଜଗନ୍ନାଥଙ୍କ ମନ୍ଦିର ପରିସରରେ ଯଜ୍ଞବେଦୀ ପ୍ରତିଷ୍ଠା, ଦ୍ବାରପାଳପୂଜା, ଗୋ ପୂଜା ଆଦି କରାଯାଇ ଜଗନ୍ନାଥ, ବଳଭଦ୍ର, ସୁଭଦ୍ରା ଓ ସୁର୍ଦଶନଙ୍କୁ ସୁବାଷିତ ଜଳରେ ସ୍ନାନ କରାଯାଇ ବଡସିଂହାର ବେଶରେ ସଜ୍ଜିତ କରାଯାଇଥିଲା। ଏହାପରେ ବ୍ରାହ୍ମଣଙ୍କ ଦ୍ବାରା ନୂତନ ମନ୍ଦିର ରତ୍ନସିଂହାସନକୁ ପହଣ୍ଡି କରାଯାଇ ନିଆଯାଇଥିଲା।
Popular Categories
Previous article
Next article