ସମାଜ ଡିଜିଟାଲ ଡେସ୍କ: ଟି-୨୦ ବିଶ୍ଵ କପ୍ ୨୦୨୪ ଚାଲିଛି। ବୁଧବାର ଆମେରିକା ଓ ଭାରତ ମଧ୍ୟରେ ମ୍ୟାଚ୍ ଅନୁଷ୍ଠିତ ହୋଇଥିଲା। ସେହିପରି କିଛି ଦିନ ପୂର୍ବରୁ ଭାରତ-ପାକିସ୍ତାନର ରୋମାଞ୍ଚକର କ୍ରିକେଟ୍ ମ୍ୟାଚ୍ ଦେଖିବାକୁ ମିଳିଥିଲା। ମ୍ୟାଚ୍ ସମୟରେ ବିରାଟ କୋହଲିଙ୍କ ପତ୍ନୀ ତଥା ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ଉପସ୍ଥିତ ଥିଲେ। ଇତି ମଧ୍ୟରେ ତାଙ୍କର ଏକ ଭିଡିଓ ବେଶ୍ ଭାଇରାଲ ହେଉଛି, ଯେଉଁଥିରେ ସେ ଖୁବ୍ ଜୋର୍ରେ ରାଗିଥିବା ଦେଖିବାକୁ ମିଳିଛି। ଏହି ଭିଡିଓରେ ଲୋକେ ଅନେକ ପ୍ରତିକ୍ରିୟା ଦେଇଛନ୍ତି।
ଏହି ଭିଡିଓ ଜୁନ୍ ୯ରେ ହୋଇଥିବା ଭାରତ-ପାକିସ୍ତାନ ଟି-୨୦ ବିଶ୍ଵକପ୍ ମ୍ୟାଚ୍ ଦିନର, ଯେଉଁଥିରେ ଅନୁଷ୍କା ରାଗି ନିଆଁବାଣ ହୋଇଥିବା ନଜର ଆସିଛନ୍ତି। ଏହା ହେଉଛି ଷ୍ଟାଣ୍ଡରେ ବସିବା ସ୍ଥାନ, ଯେଉଁଠାରେ ସେ କାହା ସହିତ କଥାବାର୍ତ୍ତା କରୁଥିବା ଏବଂ କାହା ଆଡ଼କୁ ଇଙ୍ଗିତ କରି କିଛି କହୁଥିବା ଦେଖିବାକୁ ମିଳିଛି। ଏହି ସମୟରେ ଖୁବ୍ କ୍ରୋଧିତ ଥିବା ସ୍ପଷ୍ଟ ଜଣାପଡ଼ୁଛି। ତେବେ ରାଗିବାର କାରଣ କ’ଣ ତାହା ଜଣାପଡ଼ି ନାହିଁ। ଅନୁଷ୍କାଙ୍କ ମୁହଁର ଭାବ ଦେଖି ଜଣାପଡ଼ୁଛି ଯେ, ନିଶ୍ଚିତ ଭାବେ କିଛି ଗମ୍ଭୀର ଘଟଣା ଘଟିଥାଇପାରେ। ସୂଚନାଯୋଗ୍ୟ, ନ୍ୟୁୟର୍କର ନାସାଉ କାଉଣ୍ଟି କ୍ରିକେଟ୍ ଷ୍ଟାଡିୟମରେ ଭାରତ ପାକିସ୍ତାନକୁ ୬ ରନ୍ରେ ପରାସ୍ତ କରିଛି।
ଏହି ଭିଡିଓରେ ସାମାଜିକ ଗଣମାଧ୍ୟମରେ ଲୋକେ ବିଭିନ୍ନ ପ୍ରକାର କମେଣ୍ଟ କରୁଛନ୍ତି। ଜଣେ ୟୁଜର ଲେଖିଛନ୍ତି, ‘‘କିଙ୍ଗ୍ କୋହଲିଙ୍କ ପୁରା ପରିବାର ଆକ୍ରମଣାତ୍ମକ।’’ ଆଉ ଜଣେ ଲେଖିଛନ୍ତି, ‘‘ମଣିଷ ଉଭୟ ଖୁସି ଓ ଆକ୍ରମଣାତ୍ମକ ହୋଇପାରେ, ଏଥିରେ ବଡ଼ କଥା କ’ଣ।’’ ସେହିପରି ଅନ୍ୟ ଜଣେ ଲେଖିଛନ୍ତି, ‘‘ୟୁଏସରେ ଭିଭିଆଇପି ଆତିଥ୍ୟ ମିଳିନାହିଁ’’। ଅପରପକ୍ଷେ ଅଧିକାଂଶ ୟୁଜର ରାଗର କାରଣ ଜାଣିବାକୁ ଚାହିଁଛନ୍ତି।
Comments are closed.