ନୂଆଦିଲ୍ଲୀ: ନିର୍ବାଚନ ତାରିଖ ଘୋଷଣା ପୂର୍ବରୁ ଶନିବାର ପ୍ରଖ୍ୟାତ କଣ୍ଠଶିଳ୍ପୀ ଅନୁରାଧା ପୌଡୱାଲ୍ ବିଜେପିରେ ସାମିଲ ହୋଇଛନ୍ତି। ସେ ନୂଆଦିଲ୍ଲୀସ୍ଥିତ ବିଜେପି କାର୍ଯ୍ୟାଳୟରେ ବରିଷ୍ଠ ନେତାଙ୍କ ଉପସ୍ଥିିତିରେ ଦଳର ସଦସ୍ୟତା ଗ୍ରହଣ କରିଛନ୍ତି। ୮୦ ଓ ୯୦ ଦଶକରେ ଅନେକ ହିଟ୍ ଗୀତ ଏବଂ ଭକ୍ତି ସଙ୍ଗୀତ ପାଇଁ ପ୍ରସିଦ୍ଧି ଲାଭ କରିଥିବା ଏହି ବରିଷ୍ଠ ଗାୟିକା ବିଜେପିରେ ଯୋଗ ଦେଇ ଖୁସି ବ୍ୟକ୍ତ କରିଛନ୍ତି ଏବଂ ଏହାର କାରଣ ମଧ୍ୟ କହିଛନ୍ତି। ଅନୁରାଧା ପୌଡୱାଲ୍ କହିଛନ୍ତି ଯେ, ସନାତନ ଧର୍ମ ସହିତ ଗଭୀର ସମ୍ପର୍କ ଥିବା ସରକାରରେ ସାମିଲ ହୋଇ ସେ ବହୁତ ଖୁସି ଅନୁଭବ କରୁଛନ୍ତି।
#WATCH | Delhi | On joining BJP, singer Anuradha Paudwal says, "I am happy that I am joining the government which has a deep connection with Sanatan (Dharma). It is my good fortune that I am joining BJP today." pic.twitter.com/oeF82icr6a
— ANI (@ANI) March 16, 2024
ଗଣମାଧ୍ୟମ ସହ କଥାବାର୍ତ୍ତା ବେଳେ ଅନୁରାଧା ପୌଡୱାଲ୍ କହିଛନ୍ତି ଯେ, ‘‘ମୋତେ ଖୁସି ଲାଗୁଛି ଯେ ମୁଁ ସେହି ସରକାରରେ ସାମିଲ ହେଉଛି, ଯାହାଙ୍କର ସନାତନ ଧର୍ମ ସହ ଗଭୀର ସମ୍ପର୍କ ରହିଛି। ଏହା ମୋର ସୌଭାଗ୍ୟ ଯେ ମୁଁ ଆଜି ବିଜେପିରେ ଯୋଗ ଦେଉଛି।’’ ଆଗାମୀ ନିର୍ବାଚନରେ ସେ ପ୍ରତିଦ୍ୱନ୍ଦ୍ୱିତା କରିବେ କି ବୋଲି ପ୍ରଶ୍ନ କରିବାରୁ ସେ କହିଛନ୍ତି, ‘‘ମୁଁ ଏପର୍ଯ୍ୟନ୍ତ କିଛି ଜାଣିନାହିଁ, ଦଳ ମୋତେ ଯାହା ପରାମର୍ଶ ଦେବ ଏହା ତା’ ଉପରେ ନିର୍ଭର କରୁଛି।’’
