ଅନୁଗୋଳ: ବାଗଡିଆ ଥାନା ଦେଇ ଏକ ବସରେ ଯାଉଥିବା ଜଣେ ଯାତ୍ରୀଙ୍କ ମୃତ୍ୟୁ ହୋଇଛି। ମୃତକ ଜଣଙ୍କ ହେଲେ ହଣ୍ଡପା ଥାନା ସାନଗୋବିନ୍ଦପୁର ଗ୍ରାମର ନିରାକାର ଦେହୁରୀ। ନିରାକାର କିଛି ଦିନ ହେବ ରିଆମାଳ ଥାନା ଅଞ୍ଚଳରେ ରହୁଥିବା ଝିଅ ଘରକୁ ବୁଲିବାକୁ ଆସିଥିଲେ। ସେଠାରୁ ସେ ଏକ ଘରୋଇ ବସରେ ନିଜ ଘରକୁ ଫେରୁଥିବା ବେଳେ ବାଗଡିଆଠାରେ ତାଙ୍କର ମୃତ୍ୟୁ ହୋଇଥିବା ବସ କର୍ମଚାରୀ ସନ୍ଦେହ କରି ବାଗଡିଆ ସ୍ୱାସ୍ଥ୍ୟକେନ୍ଦ୍ରକୁ ଆଣିଥିଲେ।
ସେଠାରେ ତାଙ୍କର ମୃତ୍ୟୁ ହୋଇଥିବା ଡାକ୍ତର ଘୋଷଣା କରିଥିଲେ। ବାଗଡିଆ ଥାନା ପୁଲିସ ପହଞ୍ଚି ମୃତଦେହ ଜବତ କରି ଛେଣ୍ଡିପଦା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଥିବା ଶବଗୃହକୁ ନେଇଥିଲେ। ସନ୍ଧ୍ୟା ହୋଇଯାଇଥିବାରୁ ଶୁକ୍ରବାର ଶବ ବ୍ୟବଚ୍ଛେଦ କରିବା ପରେ ମୃତକଙ୍କ ଶବକୁ ତାଙ୍କ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୁଲିସ ପ୍ରକାଶ କରିଛି।
Comments are closed.