ଭୁବନେଶ୍ୱର: ଇନଫୋସିଟି ଥାନାରେ ପୁଲିସ ହଂସିତାଙ୍କ ନାମରେ ଆଉ ଏକ ମାମଲା ରୁଜୁ କରିଛି। ଫଳରେ ହାଇପ୍ରୋଫାଇଲ ଠକ ହଂସିତା ପାଇଁ ଅଡୁଆ ବଢ଼ିଲା। ୨୦୨୩ରେ ପ୍ରକୃତ ନାମ ଲୁଚାଇ ହଂସିତା ପାସପୋର୍ଟ ତିଆରି କରିଥିଲେ। ସେ ତାଙ୍କର ପ୍ରକୃତ ନାମ ବିଷ୍ଣୁପ୍ରିୟା ଚାନ୍ଦ ବଦଳରେ ହଂସିତା ନାମରେ ପାସପୋର୍ଟ କରିଥିଲେ। ୨୦୧୭ରେ ଏକ ମାମଲା ଥିବାରୁ ନିଜ ନାମ ବଦଳାଇ ପାସପୋର୍ଟ କରିଥିଲେ।
ଭାରତୀୟ ନ୍ୟାୟ ସଂହିତା(ବିଏନଏସ) ୪୧୭, ୪୧୯, ୪୨୦, ୪୬୮, ୪୭୧ ଓ ୧୨ ଦଫାରେ ହଂସିତାଙ୍କ ନାମରେ ଇନଫୋସିଟି ଥାନାରେ ପୁଲିସ ମାମଲା ରୁଜୁ କରିଛି। ଇନଫୋସିଟି ଥାନାରେ ଆଉ ଏକ ମାମଲା ରୁଜୁ ପରେ ଏ ସମ୍ପର୍କରେ ପୁଲିସ ଭୁବନେଶ୍ୱର ଜେଏମ୍ଏଫସି ୨ କୋର୍ଟଙ୍କୁ ଅବଗତ କରିଛି। ଏହି ମାମଲା ସମ୍ପର୍କରେ ଅବଗତ କରାଯିବା ପାଇଁ ବ୍ୟକ୍ତିଗତ ଭାବେ ହଂସିତାଙ୍କୁ କୋର୍ଟରେ ହାଜର କରାଯାଇଥିଲା। ଏହାପରେ ତାଙ୍କ ନାମରେ ରୁଜୁ ହୋଇଥିବା ମାମଲା ସମ୍ପର୍କରେ ହଂସିତାଙ୍କୁ କୋର୍ଟ ଅବଗତ କରିଥିଲେ।
Comments are closed.