bjd gruha runa banner

ସିବିଆଇ ନିକଟରେ ହାଜର ହେଲେ ଅନିଲ ଦେଶମୁଖ

mission shakti banner

ମୁମ୍ବଇ: ମହାରାଷ୍ଟ୍ରର ପୂର୍ବତନ ଗୃହମନ୍ତ୍ରୀ ଅନିଲ ଦେଶମୁଖ ବୁଧବାର ସିବିଆଇ ନିଟକରେ ହାଜର ହୋଇଛନ୍ତି। ମୁମ୍ବଇର ଡିଆରଡିଓ ଗେଷ୍ଟହାଉସରେ ସିବିଆଇ ତାଙ୍କୁ ପଚରାଉଚରା କରିବ। ମୁମ୍ବଇର ପୂର୍ବତନ ପୁଲିସ କମିଶନର ପରମବୀର ସିଂହ ଦେଶମୁଖଙ୍କ ବିରୋଧରେ ଦୁର୍ନୀତି ଅଭିଯୋଗ ଆଣିବା ପରେ ପରେ ବମ୍ବେ ହାଇକୋର୍ଟ ତାଙ୍କ ବିରୋଧରେ ସିବିସିଆଇ ତଦନ୍ତ ପାଇଁ ନିର୍ଦେଶ ଦେଇଥିଲେସିବିଆଇ ଦେଶମୁଖଙ୍କୁ ପରମବୀରଙ୍କ ଅଭିଯୋଗ ଉପରେ ଜେରା କରିବ।

ଆଣ୍ଟିଲିଆ ମାମଲାରେ ଗିରଫ ହୋଇଥିବା ମୁମ୍ବଇ ପୁଲିସର ଜଣେ ଅଧିକାରୀ ସଚିନ ୱାଜେଙ୍କୁ ଦେଶମୁଖ ମାସିକ ୧୦୦ କୋଟି ଟଙ୍କା ବଟି ଆଦାୟ କରିବାକୁ କହିଥିବା ନେଇ ପରମବୀର ସିଂହ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଚିଠି​‌ ଲେଖି ଅଭିଯୋଗ କରିଥିଲେ। ଏହା ପରେ ସେ ପ୍ରଥମେ ସୁପ୍ରିମକୋର୍ଟ ଏବଂ ପରେ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲେ। ଗୃହମନ୍ତ୍ରୀଙ୍କ ବିରୋଧରେ ଅଭିଯୋଗ କରିବାରୁ ତାଙ୍କୁ ବଦଳି କରାଯାଇଥିବାରୁ ସମ୍ପୂର୍ଣ୍ଣ ଅଭିଯୋଗର ସିବିଆଇ ତଦନ୍ତ କରାଇବାକୁ ପରମବୀର ହାଇକୋର୍ଟଙ୍କୁ ନିବେଦନ କରିଥିଲେ।

ହାଇକୋର୍ଟ ଅଭିଯୋଗର ସିବିଆଇ ତଦନ୍ତ ପାଇଁ ନିର୍ଦେଶ ଦେବା ପରେ ଦେଶମୁଖ ଗତ ୫ ତାରିଖରେ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ।

Comments are closed.