ଅନୁଗୋଳ : ଅନୁଗୋଳ ଜିଲ୍ଲା ଜରପଡା ଥାନା ତୁକୁଡା ଗାଁରେ ବାଇକ୍ ଏବଂ କାର୍ ମଧ୍ୟରେ ମୁହାଁମୁହିଁ ଧକ୍କା ହୋଇଛି। ଦୁର୍ଘଟଣାରେ ଜଣଙ୍କର ମୃତ୍ୟୁ ଘଟିଥିବାବେଳେ ଜଣେ ଗୁରୁତର ହୋଇଥିବା ସୂଚନା ମିଳିଛି। ସୂଚନା ମୂତାବକ ଜଜରପଡା ଥାନା ତୁକୁଡା ଗାଁର ବିରଞ୍ଚି ସାହୁ ଙ୍କ ପୁଅ ରବି ସାହୁ (୩୫) ଏବଂ ମଙ୍ଗୁଳୁ ନାୟକଙ୍କ ପୁଅ ମନୋଜ ନାୟକ (୩୪) ଏକ ବାଇକ୍ ରେ ତୁକୁଡା ଗାଁ ହାଟଛକ ରୁ ଘରକୁ ଫେରୁଥିଲେ। ଏତିକିବେଳେ ସମ୍ବଲପୁର ଆଡୁ ଆସୁଥିବା ଏକ କାର ତାଙ୍କୁ ଧକ୍କା ଦେଇଥିଲା। ଯାହା ଫଳରେ ଜଣେ ଛିଟିକି ପଡ଼ିଥିଲେ ଏବଂ ଅନ୍ୟ ଜଣେ କାର ଛାତ ଉପରେ ପଡ଼ିଥିଲେ। ସ୍ଥାନୀୟ ଲୋକମାନେ ଉଭୟ ଙ୍କୁ ଉଦ୍ଧାର କରି ଅନୁଗୋଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ। ଡାକ୍ତର ସେଠାରେ ରବି ସାହୁ ଙ୍କୁ ମୃତ ଘୋଷଣା କରିଥିଲେ। ମନୋଜ ଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି। ଖବର ପାଇ ଘଟଣାସ୍ଥଳରେ ଜରପଡା ଥାନା ପୁଲିସ୍ ପହଞ୍ଚି ଅଧିକ ତଦନ୍ତ ଆରମ୍ଭ କରିଛି।
Popular Categories
Previous article
Next article