ଆନନ୍ଦପୁର: ଖଣି ଅଧିକାରୀଙ୍କ ଉପରେ ଆକ୍ରମଣ। କେନ୍ଦୁଝର ଜିଲ୍ଲା ଖଣି ବିଭାଗ ଅଧିକାରୀଙ୍କ ଉପରେ ବାଲି ମାଫିଆମାନେ ଆକ୍ରମଣ କରିଥିବା ଅଭିଯୋଗ ହୋଇଛି। ସୂଚନା ମୂତାବକ ରବିବାର ବିଳମ୍ବିତ ରାତିରେ ଜୁନିୟର ଖଣି ଅଫିସର ସୁରଜ ହେମ୍ରମ ଏବଂ ୩ ସୁରକ୍ଷା କର୍ମୀ ଚୋରା ବାଲି ଧରପଗଡ ଲାଗି ଆନନ୍ଦପୁରକୁ ଯାଉଥିଲେ। ଏତିକି ବେଳେ କିଛି ବାଲି ମାଫିଆ ତାଙ୍କ ଗାଡିକୁ ପିଛା କରିଥିଲେ ଏବଂ ଅତର୍କିତ ଭାବେ ଆକ୍ରମଣ କରିଥିଲେ। ଏପରିକି ଲୁହା ପାଇପ ସାହାର୍ଯ୍ୟରେ ଗାଡିର କାଚ ସବୁକୁ ଭାଙ୍ଗି ଦେଇଥିଲେ। ପରେ ସମସ୍ତଙ୍କୁ ଉଦ୍ଧାର କରାଯାଇ ଗୁରୁତର ଅବସ୍ଥାରେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଥିଲା। ତେବେ ଏ ନେଇ ଥାନାରେ ଏତଲା ହୋଇଥିବାବେଳେ ପୁଲିସ ଘଟଣାସ୍ଥଳରେ ପହଞ୍ଚି ଅଧିକ ଛାନଭିନ୍ ଜାରି ରଖିଛି।
Comments are closed.