ନନ୍ଦନକାନନ : ନନ୍ଦନକାନନ ପ୍ରାଣୀଉଦ୍ୟାନର ସରୀସୃପ ଉଦ୍ୟାନର ୪୫ନମ୍ବର ଖୁଆଡ଼ରେ ରହୁଥିବା ହଳଦିଆ ରଙ୍ଗର ମାଈ ଆନାକୋଣ୍ଡା ରବିବାର ୭ଶାବକ ଜନ୍ମ ଦେଇଛି। ପୂର୍ବରୁ ଓୟୁଏଟି ବିଶେଷଜ୍ଞ ଓ ନନ୍ଦନକାନନ ଚିକିତ୍ସକଙ୍କ ମିଳିତ ସହଯୋଗରେ ମା’ ଆନାକୋଣ୍ଡାର ସ୍ବାସ୍ଥ୍ୟ ଯାଞ୍ଚ କରାଯାଇଥିଲା। ପରୀକ୍ଷା କାଳରେ ତା’ ଭିତରେ ଛୁଆ ରହିଥିବା ଜଣାପଡ଼ିଥିଲା। ପ୍ରସବ ବିଳମ୍ବ ହୋଇଥିବାରୁ ଶୀଘ୍ର ପ୍ରସବ ନିମନ୍ତେ ତାକୁ ଅକ୍ସିଟୋକିନ ଇଞ୍ଜେକ୍ସନ ଦିଆଯାଇଥିଲା। ଏହାର କିଛି ସମୟ ପରେ ସେ ପର୍ଯ୍ୟାୟକ୍ରମେ ୭ ଶାବକଙ୍କୁ ଜନ୍ମ ଦେଇଥିବା ନନ୍ଦନକାନନ ଜନ୍ତୁ ବିଭାଗ ପକ୍ଷରୁ ସୂଚନା ମିଳିଛି। ଏହି ୭ଶାବକ ସହ ମା’ ଆନାକୋଣ୍ଡା ସୁସ୍ଥଥିବା ଜଣାପଡ଼ିଛି। ଏହି ଶାବକମାନେ ଜନ୍ମ ହେବାପରେ ନନ୍ଦନକାନନ ଆନାକୋଣ୍ଡା ସଂଖ୍ୟା ୧୪କୁ ବୃଦ୍ଧି ପାଇଛି। ସେହିପରି ପ୍ରାଣୀଉଦ୍ୟାନରେ ଆଉ ଏକ ମାଈ ଆନାକୋଣ୍ଡା ସାପ ଖୁବ୍ଶୀଘ୍ର ମା’ ହେବ ବୋଲି ନନ୍ଦନକାନନ ଉପନିର୍ଦେଶକ ସନଥ କୁମାର ନାରାୟଣ କହିଛନ୍ତି।
Popular Categories
Previous article
Next article