ନୂଆଦିଲ୍ଲୀ : ଆମ୍ୟୁଜ୍ମେଣ୍ଟ ପାର୍କରେ ଆଶ୍ଚର୍ଯ୍ୟ କରୁଥିବା ଅନେକ ଘଟଣା ସାମ୍ନାକୁ ଆସିଛି । ଏହାକୁ ଦେଖି ଲୋକେ ଭୟଭୀତ ମଧ୍ୟ ହୋଇଛନ୍ତି । ଏବେ ହାଇଦ୍ରାବାଦରେ ହୋଇଥିବା ନୁମାଇଶ ମେଳାରେ ଘଟିଥିବା ଏକ ଘଟଣା ହଇଚଇ ସୃଷ୍ଟି କରିଛି । ଏଠାରେ ରୋଲର କୋଷ୍ଟର ଦୋଳିରେ ଝୁଲୁଥିବା ସମୟରେ ପ୍ରାୟ ଅଧ ଘଣ୍ଟା ପର୍ଯ୍ୟନ୍ତ ସେମାନେ ଭୟଭୀତ ହେବା ସହ ନିଶ୍ୱାସ ଅଟକି ଯିବା ଭଳି ଅନୁଭବ ହୋଇଥିଲା । ଏହି ଘଟଣା ୧୬ ଜାନୁଆରୀର ବୋଲି ଜଣାପଡିଛି । ସୋସିଆଲ ମିଡିଆରେ ଏହାର ଭିଡିଓ ଦ୍ରୁତ ଗତିରେ ଭାଇରାଲ୍ ମଧ୍ୟ ହେଉଛି । ଜାଣନ୍ତୁ ସମ୍ପୂର୍ଣ୍ଣ ଘଟଣା..
ହାଇଦ୍ରାବାଦରେ ପ୍ରତ୍ୟେକ ବର୍ଷ ଭଳି ଚଳିତ ବର୍ଷ ମଧ୍ୟ ନୁମାଇଶ ମେଳାର ଆୟୋଜନ କରାଯାଇଛି । ଏଠାକୁ ଆସୁଥିବା ଅଧିକାଂଶ ଲୋକେ ରୋଲର କୋଷ୍ଟର ଦୋଳିରେ ନିଶ୍ଚୟ ବସି ମଜା ନିଅନ୍ତି । ଦୋଳିରେ ବସି ମଜା ନେଉଥିବା ସମୟରେ ଏଭଳି ଭୟଙ୍କର ଅନୁଭୂତି ହେବ ବୋଲି ଲୋକେ କେବେ ଚିନ୍ତା ମଧ୍ୟ କରିନଥିବେ । ଦୋଳିରେ ବସିଥିବା ସମୟରେ ହଠାତ୍ ଅଧା ବାଟରେ ଅଟକି ଯାଇଥିଲା ।
Numaish in Hyderabad: Passengers stuck upside down in amusement ride
An amusement ride at Hyderabad's Numaish got stuck upside down for more than 25 minutes on Thursday evening, January 16. The ride which reportedly had few passengers on board halted unexpectedly due to battery… pic.twitter.com/jElvGfP4e2
— The Siasat Daily (@TheSiasatDaily) January 16, 2025
ଏଥିରେ କିଛି ଯାନ୍ତ୍ରିକ ତ୍ରୁଟି ଦେଖାଯାଇଥିଲା । ଫଳରେ ଲୋକେ ପ୍ରାୟ ୩୦ ମିନିଟ୍ ପର୍ଯ୍ୟନ୍ତ ଲୋକେ ଓଲଟା ଝୁଲି ରହିଥିଲେ । ବ୍ୟାଟେରୀ ଖରାପ ହୋଇଯିବାରୁ ଏଭଳି ହୋଇଥିଲା ବୋଲି କୁହଯାଉଛି । ଟେକ୍ନିସିଆନ୍ ତୁରନ୍ତ ଦୋଳି ଉପରେ ଚଢି ଏହାକୁ ଠିକ୍ କରିଥିଲେ । ଏହି ସମୟରେ ଓଲଟା ଝୁଲି ରହିଥିବା ଲୋକେ ଭୟଭୀତ ହୋଇଯାଇଥିଲେ। ଭିଡିଓଟି ଦ୍ରୁତ ଗତିରେ ଭାଇରାଲ୍ ହେବା ସହ ସଭିଁଙ୍କ ଧ୍ୟାନକୁ ଆକର୍ଷିତ କରୁଛି । ଲୋକେ ଭିଡିଓ ଦେଖି ନିଜର ଭିନ୍ନ ଭିନ୍ନ ମତ ଦେଉଛନ୍ତି।
