ନୂଆଦିଲ୍ଲୀ : ଅଯୋଧ୍ୟାରେ ରାମ ମନ୍ଦିର ପ୍ରାଣ ପ୍ରତିଷ୍ଠା କାର୍ଯ୍ୟ ସମ୍ପନ୍ନ ହୋଇ ସାରିଛି। ଏହାକୁ ନେଇ କେବଳ ଦେଶ ନୁହେଁ ବରଂ ଦୁନିଆର କୋଣ ଅନୁକୋଣରେରେ ମଧ୍ୟ ଉତ୍ସାହ ଓ ପର୍ବ ଭଳି ଏହାକୁ ପାଳନ କରାଯାଇଛି। ରାମଲାଲାଙ୍କ ପ୍ରାଣ ପ୍ରତିଷ୍ଠାକୁ ନେଇ ଆମେରିକାରେ ହିନ୍ଦୁମାନେ ଆନନ୍ଦ ଉଲ୍ଲାସରେ ବିଭୋର ହେଉଥିବା ଦେଖାଯାଇଛି। ନ୍ୟୁୟର୍କରେ ମଧ୍ୟ ଲୋକଙ୍କ ମଧ୍ୟରେ ଖୁସିର ମାହୋଲ ଦେଖାଯାଇଛି। ଏଠାରେ ଥିବା ରାମ ମନ୍ଦିରର ସଦସ୍ୟମାନେ ଲଡୁ ବାଣ୍ଟିଛନ୍ତି। ଆମେରିକାର ମିନେସୋଟାର ହିନ୍ଦୁ ମନ୍ଦିରରେ ମଧ୍ୟ ଭକ୍ତମାନେ ରାମଙ୍କ ଭଜନ ଗାନ କରିଛନ୍ତି। ଶ୍ରୀରାଧା କୃଷ୍ଣ ମନ୍ଦିରରେ ମଧ୍ୟ ଭାରତୀୟ ପ୍ରବାସୀମାନେ ରାମ ଭଜନ ଗାଇଛନ୍ତି। ନ୍ୟୁଜର୍ସିର ଶ୍ରୀ ସିଦ୍ଧିବିନାୟକ ମନ୍ଦିରରେ ଭାରତୀୟ ପ୍ରବାସୀମାନେ ପୂଜାର୍ଚ୍ଚନା କରିଛନ୍ତି।
Comments are closed.