ଆଜିକାଲି ଘରେ ଅଧିକତଃ ବାସନ ଆଲୁମିନିୟମର ଦେଖିବାକୁ ମିଳୁଛି। ପୁରା ଦୁନିଆରେ ଦେଖିବାକୁ ଗଲେ ପ୍ରାୟ ୬୦ ପ୍ରତିଶତ ଲୋକ ଆଲୁମିନିୟମର ବାସନ ବ୍ୟବହାର କରୁଛନ୍ତି। ଆଲୁମିନିୟମର ବାସନ ଅନ୍ୟ ଧାତୁର ବାସନ ଅପେକ୍ଷା ଶସ୍ତା ଅଟେ। ଏହି କାରଣରୁ ଅଧିକ ଲୋକ ଆଲୁମିନିୟମର ବାସନ ବ୍ୟବହାର କରୁଛନ୍ତି।
ଆଲୁମିନିୟମର ବାସନ ଶସ୍ତା ହୋଇଥିଲେ ମଧ୍ୟ ତାହା ଆମ ସ୍ବାସ୍ଥ୍ୟ ଉପରେ କୁପ୍ରଭାବ ପକାଇଥାଏ। ଏଥିରେ ଖାଦ୍ୟ ରାନ୍ଧି ଖାଇବା ଦ୍ବାରା ପ୍ରତିଦିନ ମନୁଷ୍ୟ ଶରୀରକୁ ୪ରୁ ୫ ମିଲିଗ୍ରାମ ଆଲୁମିନିୟମ ଯାଇଥାଏ। ଏହା ଶରୀର ଉପରେ କୁପ୍ରଭାବ ପକାଇଥାଏ। ଆଲୁମିନିୟମରେ ରନ୍ଧନ କରାଯାଇଥିବା ଖାଦ୍ୟର ରଙ୍ଗ ଅନ୍ୟ ବାସନରେ ରନ୍ଧା ଯାଇଥିବା ଖାଦ୍ୟ ତୁଳନାରେ ଅଲଗା ହୋଇଥାଏ।
ଶରୀରରେ ଏହା କୁପ୍ରଭାବ ପକାଇଥାଏ କାରଣ, ଆଲୁମିନିୟମ ଖାଦ୍ୟ ସହ ମିଶି ତାହାର ପୋଷକ ତତ୍ତ୍ବ ନଷ୍ଟ କରିଦେଇଥାଏ। ବିଶେଷ କରି ଏସିଡିଟି ଥିବା ଖାଦ୍ୟ ଯେପରି ଟମାଟୋ। ଅଧିକ ଦିନ ଧରି ଆଲୁମିନିୟମ ବାସନରେ ଖାଦ୍ୟ ରାନ୍ଧି ଖାଇବା ଦ୍ବାରା ତାହା ଆମର ମାଂସପେଶୀ, କିଡନୀ ଓ ହାଡ ଉପରେ କୁପ୍ରଭାବ ପକାଇଥାଏ। ଯେଉଁ କାରଣରୁ ଅନେକ ରୋଗର ଶିକାର ହେବାକୁ ପଡିଥାଏ। ତେଣୁ ଆଲୁମିନିୟମ ବାସନରେ କେବେ ବି ଖାଦ୍ୟ ରାନ୍ଧନ୍ତୁ ନାହିଁ।
ଆଲୁମିନିୟମ ବାସନ ଦ୍ବାରା ହେଉଥିବା ରୋଗ :
ସ୍ମରଣ ଶକ୍ତି ହ୍ରାସ ଓ ଚିନ୍ତାଗ୍ରସ୍ତ
ମୁହଁରେ ଥିବା ଚର୍ମର ଆସ୍ତରଣ ଉପରେ କୁପ୍ରଭାବ
ଆଜମା
କିଡନୀରେ ସମସ୍ୟା
ଆପେଣ୍ଡିକ୍ସ
ଦୃଷ୍ଟି ଶକ୍ତିରେ ସମସ୍ୟା
ଡାଇରିଆ
ପେଟ ସମସ୍ୟା
