ସୁଆଣ୍ଡୋ : ଭାରତ ବିକାଶ ପରିଷଦ ସର୍ବଭାରତୀୟ ଅର୍ଥ ସଚିବ ସଂପଦ ଗୁରୁଡିଆ ଶନିବାର ସତ୍ୟବାଦୀ ଶାଖା ପରିଦର୍ଶନରେ ଆସି ଏକ ଆଲୋଚନା ସଭାରେ ଯୋଗଦେଇ ଥିଲେ । ସତ୍ୟବାଦୀ ଶାଖାର ଉନ୍ନୟନ ଓ ଜନସଚେତନତା ମୂଳକ କାର୍ଯ୍ୟକ୍ରମ ଗୁଡିକର ସମିକ୍ଷା କରି ସନ୍ତୋଷ ପ୍ରକାଶ କରିଥିଲେ। ସତ୍ୟବାଦୀ ଶାଖା ଆଗାମୀ ଦିନରେ ଉତ୍ସାହର ସହିତ ଜନକଲ୍ୟାଣ କାର୍ଯ୍ୟକ୍ରମରେ ଆଗଭର ହେବାକୁ ସେ ପରାମର୍ଶ ଦେଇଥିଲେ। ଏହି ଅବସରରେ ପୂର୍ବ ପ୍ରାନ୍ତର ସାଧାରଣ ସଚିବ ପ୍ରଦୀପ୍ତ ମହାରଣା ଅର୍ଥ ସଚିବ ଦୁଃଖୀଶ୍ୟାମ ସାହୁ, ସୌମେନ୍ଦ୍ର ଦାସ, ସତ୍ୟବାଦୀ ଦାଶ ଓ ସତ୍ୟବାଦୀ ଶାଖାର ସଭାପତି ପୂର୍ଣ୍ଣଚନ୍ଦ୍ର ମହାପାତ୍ର ପ୍ରମୁଖ ଆଲୋଚନା ରେ ଅଂଶଗ୍ରହଣ କରିଥିଲେ । ଏହି ପରିପ୍ରେକ୍ଷୀରେ ୫ ଜଣ ନୂତନ ସଭ୍ୟ ଶପଥ ପାଠ କରିଥିଲେ। ଶ୍ରୀ ଗୁରୁଡିଆଙ୍କ ସାକ୍ଷୀଗୋପାଳ ମନ୍ଦିରରେ ଠାକୁରଙ୍କୁ ପୂଜା ଅର୍ଚ୍ଚନା କରିଥିଲେ । ସତ୍ୟବାଦୀ ଶାଖା ସଂସ୍କାର ସଚିବ ବିଜୟ କୁମାର ପରିଡା ଅତିଥି ପରିଚୟ ଓ ସ୍ୱାଗତ ଭାଷଣ ଦେଇଥିଲେ ।
Comments are closed.