ବିରିଡି : ଜଗତସିଂହପୁର ଜିଲ୍ଲା ବିରିଡି ବ୍ଲକ ଅନ୍ତର୍ଗତ ବାଲିଆ ଗୋପିନାଥପୁରସ୍ଥ ରାଜ୍ୟର ଅନ୍ୟତମ ପୁରାତନ ଶିକ୍ଷାନୁଷ୍ଠାନ ଅଳକା ଉଚ୍ଚ ବିଦ୍ୟାଳୟ ପରିସରେ ପୁରାତନ ବିଦ୍ୟାର୍ଥୀମାନଙ୍କ ପକ୍ଷରୁ ରବିବାର ବନ ମହୋତ୍ସବ ପାଳିତ ହୋଇଯାଇଛି । ଏହି ଅବସରରେ ୧୯୭୯ ବ୍ୟାଚର ବିଦ୍ୟାର୍ଥୀମାନେ ସ୍କୁଲ ପରିସରରେ ବୃକ୍ଷ ଚାରା ରୋପଣ କରିବା ସହ ଶ୍ରମଦାନ କରି ସ୍କୁଲ ପରିସରକୁ ପରିଷ୍କାର ପରିଚ୍ଛନ୍ନ କରିଥିଲେ ।
ପ୍ରମୋଦ କୁମାର ହୋତାଙ୍କ ନେତୃତ୍ୱରେ ନନ୍ଦ କିଶୋର ହୋତା, ପ୍ରବୋଧ ରାଉତ, ବିଜୟରାମ ପଣ୍ଡା, ଅଜୟ ଭୋଇ, ଗୋପାଳ ପଟ୍ଟନାୟକ, ବାବାଜି ଚରଣ ଭୋଇ, ଜଗନ୍ନାଥ ଭୋଇ ଓ ଆୟୁବ ଶାହାଙ୍କ ସମେତ ବହୁ ପୁରାତନ ଛାତ୍ର ଏଥିରେ ଯୋଗ ଦେଇ ବିଭିନ୍ନ ପ୍ରକାର ଫୁଲ, ଆଳଙ୍କରିକ ଏବଂ ଔଷଧିୟ ବୃକ୍ଷ ଚାରା ରୋପଣ କରିଥିଲେ। ତେବେ ମୌସୁମୀ ବର୍ଷାର ଅଭାବ ଓ ବାୟୁ ମଣ୍ଡଳରେ ଅଧିକ ଆଦ୍ରତା ଯୋଗୁଁ ପାରମ୍ପରିକ ଫଳ ଓ ଅନ୍ୟାନ୍ୟ ଚାରା ରୋପଣକୁ ସ୍ଥଗିତ ରଖାଯାଇଛି ।
ଅନ୍ୟପକ୍ଷରେ ବନ ବିଭାଗ ପକ୍ଷରୁ ସ୍କୁଲର ନୂତନ କୋଠାର ପଛପଟେ ବନ ମହୋତ୍ସବ ଉପଲକ୍ଷେ ଆସନ୍ତା ୭ ତାରିଖରେ ଚାରା ରୋପଣ କରାଯିବାକୁ ସ୍ଥିର ହୋଇଛି । ଏହା ପରେ ବିଦ୍ୟାର୍ଥୀମାନଙ୍କ ପକ୍ଷରୁ ଅନ୍ୟାନ୍ୟ ଚାରା ରୋପଣ ଅଭିଯାନକୁ ବ୍ୟାପକ କରିବା ପାଇଁ ନିଷ୍ପତ୍ତି ନିଆଯାଇଛି ।
Comments are closed.