ନୂଆଦିଲ୍ଲୀ : ଫିଲ୍ମରେ ଦର୍ଶକଙ୍କ ମନୋରଞ୍ଜନ କରୁଥିବା ଅକ୍ଷୟ କୁମାର ଏବେ ପବ୍ଜି ଖେଳାଳିଙ୍କୁ ଖୁସି କରିବାକୁ ପ୍ରୟାସ ଆରମ୍ଭ କରିଛନ୍ତି। ଚୀନର ଗେମ୍ ପବ୍ଜି କୁ ଟକ୍କର ଦେବାକୁ ମଇଦାନକୁ ଓହ୍ଲାଇଛି ଅକ୍ଷୟ କୁମାରଙ୍କ ଫୌ-ପି ଗେମ୍। ଅକ୍ଷୟ କୁମାରଙ୍କ ଆକ୍ସନ ଗେମ୍ Fearless And United-Guards FAU-G ଭାରତୀୟ ସେନା ଉପରେ ଆଧାରିତ। ଅକ୍ଷୟ କୁମାର ଏହି ଗେମ୍ ପିଏମ ମୋଦୀଙ୍କ ଆତ୍ମନିର୍ଭରଶୀଳ ଭାରତ ଆନ୍ଦୋଳନ ଏକ ଆହ୍ବନ ବୋଲି ଅକ୍ଷୟ କୁମାର କହିଛନ୍ତି।
ଅକ୍ଷୟ କୁମାର ଟ୍ୱିଟ୍ କରି କହିଛନ୍ତି ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆତ୍ମନିର୍ଭରଶୀଳ ଆନ୍ଦୋଳନକୁ ସମର୍ଥନ କରି ଆକ୍ସନ୍ ଗେମ୍, Fearless And United-Guards FAU-G ଗେମ୍ ଆରମ୍ଭ କରି ମୁଁ ଗର୍ବିତ। ମନୋରଞ୍ଜନ ବ୍ୟତୀତ ଖେଳାଳିମାନେ ଆମ ଯବାନମାନଙ୍କ ବଳିଦାନ ବିଷୟରେ ମଧ୍ୟ ଜାଣିବେ। ଏହାର ୨୦ ପ୍ରତିଶତ ନେଟ୍ ରିଭ୍ୟୁ ‘ଭାରତ କେ ଭୀର’ ଟ୍ରଷ୍ଟକୁ ପ୍ରଦାନ କରାଯିବ।
Supporting PM @narendramodi’s AtmaNirbhar movement, proud to present an action game,Fearless And United-Guards FAU-G. Besides entertainment, players will also learn about the sacrifices of our soldiers. 20% of the net revenue generated will be donated to @BharatKeVeer Trust #FAUG pic.twitter.com/Q1HLFB5hPt
— Akshay Kumar (@akshaykumar) September 4, 2020
ସୂଚନାଯୋଗ୍ୟ, ପ୍ରଥମେ ୫୯ଟି ଚୀନର ମୋବାଇଲ୍ ଆପ୍ ଉପରେ ପ୍ରତିବନ୍ଧକ ଲଗାଇବା ପରେ ମୋଦୀ ସରକାର ଆଉ ୧୧୮ଟି ମୋବାଇଲ୍ ଆପ୍ ଉପରେ ପ୍ରତିବନ୍ଧକ ଲଗାଇଛନ୍ତି। ଏଥିମଧ୍ୟରୁ ଅଧିକାଂଶ ହେଉଛି ଚୀନର ମୋବାଇଲ୍ ଆପ୍। ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ପକ୍ଷରୁ ଜାରି କରାଯାଇଥିବା ଆଦେଶରେ ନିଷିଦ୍ଧ ହୋଇଥିବା ଏହି ଆପରେ ଲୋକପ୍ରିୟ ଅନଲାଇନ୍ ଗେମିଂ ଆପ୍ PUBG ଅନ୍ତର୍ଭୁକ୍ତ ରହିଥିଲା। ବ୍ୟତୀତ ଅନ୍ୟ ଏକ ଲୋକପ୍ରିୟ ମୋବାଇଲ୍ ଆପ୍ ଲୁଡୋ ମଧ୍ୟ ରହିଛି। ଏହା ବ୍ୟତୀତ ଅନ୍ୟ ଲୋକପ୍ରିୟ ମୋବାଇଲ୍ ଆପ୍ ଲୁଡୋକାରୋମ ଏବଂ ଚେସର ଅନେକ ଲୋକପ୍ରିୟ ମୋବାଇଲ୍ ଆପ୍ ଉପରେ ମଧ୍ୟ ବ୍ୟାନ କରାଯାଇଛି।
