ଚେନ୍ନଇ : ରବିବାର ଏଠାରେ ଚେନ୍ନଇ ସୁପର କିଙ୍ଗ୍ସ ବିପକ୍ଷ ଆଇପିଏଲ ମ୍ୟାଚରେ ଦଳୀୟ ବୋଲରଙ୍କ ଧିମା ବୋଲିଂ ହାର କାରଣରୁ ରାଜସ୍ଥାନ ରୟାଲ୍ସ ଅଧିନାୟକ ଅଜିଙ୍କ୍ୟ ରାହାଣେଙ୍କୁ ୧୨ ଲକ୍ଷ ଟଙ୍କା ଜୋରିମାନା ଗଣିବାକୁ ପଡିଛି। ଏହି ମ୍ୟାଚରେ ରାଜସ୍ଥାନ ରୟାଲ୍ସ ବୋଲରମାନେ ନିର୍ଦ୍ଧାରିତ ସମୟରେ ତିନି ଓଭର କମ ବୋଲିଂ କରିଥିବା ଜଣାପଡିଛି। ତେବେ ଚଳିତ ଆଇପିଏଲରେ ରାଜସ୍ଥାନ ରୟାଲ୍ସର ଏହା ପ୍ରଥମ ଘଟଣା ହୋଇଥିବାରୁ ଅଧିନାୟକଙ୍କୁ ସର୍ବନିମ୍ନ ଅର୍ଥଦଣ୍ଡରେ ଦଣ୍ଡିତ କରାଯାଇଛି। ସୂଚନାଯୋଗ୍ୟ ଦୁଇ ଦିନ ପୂର୍ବେ ଅନୁରୂପ କାରଣରୁ ମୁମ୍ବଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମାଙ୍କ ଉପରେ ମଧ୍ୟ ୧୨ ଲକ୍ଷ ଟଙ୍କା ଜୋରିମାନା ଲାଗୁ କରାଯାଇଛି।
Comments are closed.