ଶ୍ରଦ୍ଧା ହତ୍ୟାକାଣ୍ଡ ଘଟଣା; ୫ ଦିନିଆ ରିମାଣ୍ଡରେ ଗଲା ଅଫତାବ

ନୂଆଦିଲ୍ଲୀ: ବହୁ ଚର୍ଚ୍ଚିତ ଶ୍ରଦ୍ଧା ୱାକର ହତ୍ୟାକାଣ୍ଡ ଘଟଣା । ଆଜି ମୁଖ୍ୟ ଅଭିଯୁକ୍ତ ଅଫତାବକୁ ପୁଲିସ ୫ ଦିନିଆ ରିମାଣ୍ଡରେ ନେଇଛି । ହତ୍ୟାକାଣ୍ଡକୁ ନେଇ ପୁଲିସ ଆହୁରି ତଥ୍ୟ ସଂଗ୍ରହ କରିବାକୁ ଅଫତାବକୁ ହେପାଜତକୁ ଆଣିଛି । ଭିଡିଓ କନଫରେସିଂ ମାଧ୍ୟମରେ ଆଜି କୋର୍ଟରେ ଏନେଇ ଶୁଣାଣି ହୋଇଥିଲା । ପୁଲିସ ଅଫତାବକୁ ୫ ଦିନିଆ ରିମାଣ୍ଡରେ ଆଣିବାକୁ ଆବେଦନ କରିଥିଲା ।

ଆବେଦନ ମୁତାବକ ଅଫତାବକୁ କୋର୍ଟ ୫ ଦିନିଆ ରିମାଣ୍ଡରେ ନେବାକୁ ପୁଲିସକୁ ଅନୁମତି ଦେଇଛନ୍ତି । ଏହି ୫ ଦିନିଆ ରିମାଣ୍ଡରେ ପୁଲିସ ଅଭିଯୁକ୍ତ ଅଫତାବରକୁ ଆହୁରି ପଚରାଉଚରା କରିବ । ପ୍ରେମିକା ଶ୍ରଦ୍ଧାଙ୍କୁ କେମିତି ମାରିଥିଲା ସେନେଇ ତଥ୍ୟ ଓଗାରିବ । ପୂର୍ବରୁ ହତ୍ୟାକାଣ୍ଡକୁ ନେଇ ସବୁସତ ମାନିଛି ଅଫତାବର ।

ମୃତ ଶ୍ରଦ୍ଧାଙ୍କ ଫୋନକୁ କେଉଁଠାରେ ଲୁଚାଇ ରଖିଛ ବୋଲି ପୁଲିସ ଅଫତାବକୁ ପଚାରିଥିବା ବେଳେ ସେ ବାରମ୍ବାର ନିଜର ବୟାନ ବଦଳାଇଥିଲା । ଥରେ ମହାରାଷ୍ଟ୍ରରେ ଫୋନ ଫିଙ୍ଗିବା କଥା କହିବା ସହ ଆଉ ଥରେ ଦିଲ୍ଲୀରେ ହିଁ ଫୋନ ଭାଙ୍ଗି ଫିଙ୍ଗି ଦେଇଥିବା ଅଫତାବ କହିଥିଲା। ଏହି କାରଣରୁ ଅଫତାବ ଏବେ ବି ଅନେକ କଥା ଲୁଚାଉଥିବା ପୁଲିସ ଅନୁମାନ କରୁଛି ।

Comments are closed.