ପାକିସ୍ତାନକୁ ନିଜ ଦେଶରେ ମିଳିଲା ଅପମାନ, ଜାତୀୟ ସଙ୍ଗୀତ ଗାନ ସମୟରେ ଠିଆ ହେଲେନି..

ନୂଆଦିଲ୍ଲୀ : ଆଫଗାନିସ୍ତାନର ରାଜନେତାଙ୍କୁ କଡା ବିରୋଧ କରିଛି ପାକିସ୍ତାନ । ପାକିସ୍ତାନର ଜାତୀୟ ସଙ୍ଗୀତ ସମୟରେ ଠିଆ ହେବାକୁ ମନା କରିଦେଇଥିବା ଆଫଗାନ ରାଜନେତାଙ୍କ ଏଭଳି କାର୍ଯ୍ୟକୁ ପାକିସ୍ତାନ କଡା ସମାଲୋଚନା କରିଛି । ଆସନରୁ ଉଠିବା ବଦଳରେ ସେମାନେ ଜାତୀୟ ସଙ୍ଗୀତ ବାଜିବା ସମୟରେ ମୋବାଇଲ ଫୋନ୍ ଚଳାଉଥିଲେ । ପେଗମ୍ବର ମୋହମ୍ମଦଙ୍କ ଜନ୍ମଦିବସର ୧୨ ତମ ରବି ଉଲ ଅବ୍ବଲ ଅବସରରେ ଏକ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି ଅବସରରେ ଆଫଗାନିସ୍ତାନ ତାଲିବାନ ଦ୍ବାରା ନିଯୁକ୍ତ କାଉନସଲ ଜେନେରାଲ ମୋହିବୁଲ୍ଲାହ ଶାକିର ଓ ତାଙ୍କ ଡେପୁଟି ସାମିଲ ଥିଲେ ।

افغانی بار بار یہ ثابت کرتے ہیں کہ انہیں عزت راس نہیں. قومی ترانے پر کھڑے نہ ہوکر انہوں نے تمام سفارتی آداب کی توہین کی بلکہ پورے پاکستان کی توہین کی. نجانے کیوں ہم انہیں گود میں لے کر بیٹھے ہیں. pic.twitter.com/TxuxqIPE8J

— Ovais Mangalwala (@ovaismangalwala) September 17, 2024

ପାକିସ୍ତାନ ଜାତୀୟ ସଙ୍ଗୀତ ସମୟରେ ବସି ରହିବା ନିଷ୍ପତ୍ତିକୁ କେବଳ ପାକିସ୍ତାନ ଜନତା ନୁହେଁ ବରଂ ପାକିସ୍ତାନ ସରକାର ମଧ୍ୟ ଏଥିରେ କଡା ପ୍ରତିକ୍ରିୟା ରଖିଛନ୍ତି । ପାକିସ୍ତାନର ବୈଦେଶିକ ମନ୍ତ୍ରାଳୟର ମୁଖପାତ୍ର ମୁମତାଜ ଜହରା ବଲୋଚ ଏକ ବୟାନ ଜାରି କରି ଏହାକୁ କଡା ନିନ୍ଦା କରିଛନ୍ତି । ଅନ୍ୟପଟେ ଆଫଗାନିସ୍ତାନ ପକ୍ଷରୁ କୁହାଯାଇଛି କି ପାକିସ୍ତାନକୁ ଅସମ୍ମାନ କରିବା ତାଙ୍କର ଉଦ୍ଦେଶ୍ୟ ନୁହେଁ । ପାକିସ୍ତାନ ଜାତୀୟ ସଙ୍ଗୀତରେ ସଙ୍ଗୀତ ଥିବାରୁ ସେ ଠିଆ ହୋଇନଥିଲେ । କାରଣ ଆଫଗାନିସ୍ତାନ ଜାତୀୟ ସଙ୍ଗୀତରେ ସଙ୍ଗୀତ ଥିବାରୁ ଏଥିରେ କଟକଣା ଲଗାଯାଇଛି । ଯଦି ପାକିସ୍ତାନ ଜାତୀୟ ସଙ୍ଗୀତ ବିନା ସଙ୍ଗୀତରେ ବାଜିଥାନ୍ତା ତେବେ ସେମାନେ ଠିଆ ହୋଇଥାନ୍ତେ ବୋଲି ସଫେଇ ଦେଇଛି ଆଫଗାନିସ୍ତାନ ।