ବେଙ୍ଗାଲୁର …- ରାଫେଲ୍କୁ ନେଇ ରାଜନୀତି ବେଶ୍ ସରଗରମ ରହିଥିବା ବେଳେ ଏୟାର ସୋ ପାଇଁ ବେଙ୍ଗାଲୁରରେ ତିନୋଟି ରାଫେଲ୍ ବିମାନ ପହଞ୍ଚିଛି । ଏରୋ ଇଣ୍ଡିଆର ଦ୍ୱାଦଶତମ ଏୟାର ସୋ ବେଙ୍ଗାଲୁରରେ ଅନୁଷ୍ଠିତ ହେବ । ଏହା ପାଞ୍ଚ ଦିନ ଧରି ଚାଲିବ । ଭାରତୀୟ ଯୁଦ୍ଧ ବିମାନ ସହ ଆମେରିକାର କିଛି ଯୁଦ୍ଧ ବିମାନ ଏହି ଏୟାର ସୋ’ରେ ସାମିଲ ହେବେ ।
ଫେବ୍ରୁଆରୀ ୨୦ ତାରିଖରୁ ଏହି ଏୟାର ସୋ ଆରମ୍ଭ ହେବ । ଏଥିରେ ସାମିଲ ହୋଇଥିବା ରାଫେଲ୍ ବିମାନକୁ ଫ୍ରାନ୍ସର ଡାସାଲଟ୍ କମ୍ପାନୀ ନିର୍ମାଣ କରିଛି । ଭାରତ ୩୬ଟି ରାଫେଲ୍ ବିମାନ କିଣିବା ପାଇଁ ଚୁକ୍ତି କରିଛି । ଆସନ୍ତା ସେପ୍ଟେମ୍ବର ମାସ ମଧ୍ୟରେ ଭାରତ ପକ୍ଷରୁ ଦିଆଯାଇଥିବା ବୈଶିଷ୍ଟ ସହ ରାଫେଲ୍ ବିମାନ ଦେଶରେ ପହଞ୍ଚିବାର ସମ୍ଭାବନା ରହିଛି ।
