ଚିକିଟି : କେ ନୂଆଗାଁ ଥାନା ଅନର୍ଗତ ଚୂଡ଼ଙ୍ଗପୁର ନିକଟରେ ଏକ ଟେମ୍ପୁ ଧକ୍କାରେ ବସ ଚାଳକଙ୍କ ମୃତ୍ୟୁ ହୋଇଛି । ମିଳିଥିବା ସୂଚନା ମୁତାବକ ଆଜି ଭୋରରେ ଭୁବନେଶ୍ୱରରୁ ଚିକିଟି ଆସୁଥିବା ମହାଲକ୍ଷ୍ମୀ ବସ୍ ଦେଓଖାଲି ନିକଟ ଚୂଡ଼ଙ୍ଗପୁର ନିକଟରେ କୌଣସୀ କାରଣରୁ ଅଟକିଥିଲା ଓ ଚାଳକ ତଳକୁ ଓହ୍ଲାଇ ଥିଲେ । ସେତିକିବେଳେ ସେହି ରୁଟରେ ଟେମ୍ପୁ ଟି ବସର ପଛକୁ ଦ୍ରୁତ ଗତିରେ ଆସି ଧକ୍କା ଦେଇ ଭାରସାମ୍ୟ ହରାଇ ଚାଳକଙ୍କୁ ଧକା ଦେଇଥିଲା । ଫଳରେ ଘଟଣାସ୍ଥଳରେ ଚାଳକଙ୍କ ମୃତ୍ୟୁ ହୋଇଥିଲା । ମୃତକ ନୟାଗଡ଼ ଜିଲା ଦେଉଳି ଗାଁର ସତ୍ୟବାଦୀ ସାହୁ ( ୪୫) ବୋଲି ଜଣା ପଡ଼ିଛି । ଘଟଣା ସ୍ଥଳରେ କେ ନୂଆଗାଁ ପୁଲିସ ପହଞ୍ଚି ଦୁର୍ଘଟଣାଗ୍ରସ୍ତ ଉଭୟ ଗାଡିକୁ ଜବତ କରିବା ସହ ଟେମ୍ପୁ ଚାଳକକୁ ଅଟକ ରଖିଛି । ଏନେଇ ଏକ ମାମଲା ରୁଜୁ କରି ତଦନ୍ତ କରାଯାଉଥିବା ଥାନା ଆଇଆଇସି ସୂଚନା ଦେଇଛନ୍ତି।
Comments are closed.