ପିପିଲି : ଭୁବନେଶ୍ୱର-ପୁରୀ ଜାତୀୟ ରାଜପଥର ମଙ୍ଗଳପୁର ପେଟ୍ରୋଲ ଟାଙ୍କି ସମ୍ମୁଖରେ ସୋମବାର ପୂର୍ବାହ୍ନରେ ଏକ କାର୍ ସହ ଅନ୍ୟ ଏକ ଯାତ୍ରୀବାହୀ ବସ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣା କାରଣରୁ ବସ୍ଟି କାର୍କୁ କିଛି ଦୂର ପର୍ଯ୍ୟନ୍ତ ଠେଲି ନେଇଯାଇଥିଲା। ଏହି ଦୁର୍ଘଟଣାରେ କେହି ଆହତ ହୋଇନଥିବା ବେଳେ ପୁଲିସ ଦୁର୍ଘଟଣାଗ୍ରସ୍ତ ଗାଡି ଦୁଇଟିକୁ ଜବତ କରି ଘଟଣାର ତଦନ୍ତ ଚଳାଇଛି ।
ସୂଚନା ଅନୁଯାୟୀ, ମଙ୍ଗଳପୁର ପେଟ୍ରୋଲ ଟାଙ୍କି ନିକଟରେ ଥିବା ଡିଭାଇଡର ଠାରେ ଏକ କାର ହଠାତ ଅପରପାର୍ଶ୍ବ ରାସ୍ତାକୁ ଯାଉଥିଲା। ଏହି ସମୟରେ ପୁରୀରୁ ଭୁବନେଶ୍ୱର ଅଭିମୁଖେ ଆସୁଥିବା ଶାରଳା ନାମକ ଘରୋଇ ଯାତ୍ରୀବାହୀ ବସ୍ ଉକ୍ତ କାର୍କୁ ଧକ୍କା ଦେଇଥିଲା । କାର୍ଟି ରାସ୍ତାର ଡିଭାଇଡର ଉପରେ ଚଢି ଯାଇଥିବା ବେଳେ ବସ୍ଟି ମଧ୍ୟ ଉକ୍ତ ଡିଭାଇଡର ଉପରେ ଚଢିଯାଇ କାର୍କୁ କିଛି ଦୂର ପର୍ଯ୍ୟନ୍ତ ଠେଲି ନେଇଥିଲା । ଏଥିରେ ଉଭୟ ଗାଡିର କ୍ଷତି ଘଟିଥିବା ବେଳେ କେହି ଆହତ ହୋଇନଥିବା ସୂଚନା ମିଳିଛି। ଏହି କାରଣରୁ ଘଟଣାସ୍ଥଳରେ କିଛି ସମୟ ପାଇଁ ଟ୍ରାଫିକ ସମସ୍ୟା ସୃଷ୍ଟି ହୋଇଥିଲା । ଖବର ପାଇ ପିପିଲି ଆଇଆଇସି ଶରତ କୁମାର ସାହୁ, ଏଏସ୍ଆଇ ବିନୟ କୁମାର ଦାସ ପ୍ରମୁଖ ଘଟଣା ସ୍ଥଳରେ ପହଞ୍ଚି ଦୁର୍ଘଟଣାଗ୍ରସ୍ତ ଉଭୟ ଗାଡିକୁ ଜବତ କରି ଘଟଣାର ତଦନ୍ତ ଆରମ୍ଭ କରିଛନ୍ତି।
କାର୍କୁ ଧକ୍କା ଦେଲା ବସ୍, ଅଳ୍ପକେ ବର୍ତ୍ତିଲେ ଯାତ୍ରୀ
Popular Categories
Previous article
Next article