ମୁମ୍ବଇ : କରୋନାରୁ ସୁସ୍ଥ ହେଲେ ବଲିଉଡ୍ ଅଭିନେତା ଅଭିଷେକ ବଚ୍ଚନ । ଆଜି ତାଙ୍କର କରୋନା ଟେଷ୍ଟ ହୋଇଥିଲା ଯେଉଁଥିରୁ ତାଙ୍କର ରିପୋର୍ଟ ନେଗେଟିଭ୍ ଆସିଥିବା ଟ୍ୱିଟ୍ କରି ଅଭିଷେକ ସୂଚନା ଦେଇଛନ୍ତି । ଟ୍ୱିଟ୍ କରି ଅଭିଷେକ ଲେଖିଛନ୍ତି ଯେ, ସେ କରୋନାକୁ ମାତ୍ ଦେଇଛନ୍ତି । ପ୍ରଶଂସକଙ୍କୁ ଦେଇଥିବା ପ୍ରତିଶ୍ରୁତି ଅନୁସାରେ ସେ କରୋନାକୁ ମାତ୍ ଦେଇଥିବା ଟ୍ୱିଟ୍ କରିଛନ୍ତି ଅଭିଷେକ । ଏଥି ସହିତ ଅଭିଷେକଙ୍କ ସୁସ୍ଥ ହେବା ପାଇଁ ପ୍ରାର୍ଥନା କରିଥିବା ସମସ୍ତଙ୍କୁ ଅଭିଷେକ ଧନ୍ୟବାଦ ଜଣାଇବା ସହ ନାନାବତୀ ହସ୍ପିଟାଲର ଡାକ୍ତର, ନର୍ସ ଏବଂ ସମସ୍ତ କର୍ମଚାରୀଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି।
A promise is a promise!
This afternoon I tested Covid-19 NEGATIVE!!! I told you guys I’d beat this. ?? thank you all for your prayers for me and my family. My eternal gratitude to the doctors and nursing staff at Nanavati hospital for all that they have done. ?? THANK YOU!— Abhishek Bachchan (@juniorbachchan) August 8, 2020
ସୂଚନାଯୋଗ୍ୟ ବଚ୍ଚନ ପରିବାରର ୪ ଜଣ କରୋନା ପଜିଟିଭ୍ ଚିହ୍ନଟ ହୋଇଥିଲେ । ବିଗ୍ ବି ଅମିତାଭ ବଚ୍ଚନ, ଅଭିଷେକ ବଚ୍ଚନ, ଐଶ୍ଚର୍ୟ୍ୟା ଏବଂ ଝିଅ ଆରାଧ୍ୟା କରୋନା ଆକ୍ରାନ୍ତ ହୋଇଥିଲେ । ଏହାପରେ ନାନାବତୀ ହସ୍ପିଟାଲରେ ସମସ୍ତଙ୍କର ଚିକିତ୍ସା ଚାଲିଥିଲା । ଏହାପୂର୍ବରୁ ଚିକିତ୍ସାପରେ କରୋନାରୁ ସୁସ୍ଥ ହୋଇ ବିଗ୍ ବି ଅମିତାଭ ବଚ୍ଚନ, ଐଶ୍ଚର୍ୟ୍ୟା ଏବଂ ଝିଅ ଆରାଧ୍ୟା ଘରକୁ ଫେରିସାରିଥିବା ବେଳେ ଆଜି ଅଭିଷେକ ବଚ୍ଚନ କରୋନାକୁ ମାତ୍ ଦେଇ ସୁସ୍ଥ ହୋଇଛନ୍ତି ।
