ବେଗୁନିଆ: ବେଗୁନିଆ ବ୍ଲକ ଅଧିନସ୍ଥ ସିକୋ ଗ୍ରାମପଞ୍ଚାୟତ ଚନ୍ଦ୍ରଶେଖରପୁର ମୌଜାର ପଣ୍ଡିତ ଦାଶରଥି ବାଳିକା ଉଚ୍ଚ ବିଦ୍ୟାଳୟ ପରିସରରେ ନୂତନ ସରପଞ୍ଚ ସନ୍ତୋଶୀ ରାୟଙ୍କ ଅଧ୍ୟକ୍ଷତାରେ ଶିଶୁମାନଙ୍କ ପାଇଁ ଗୋଟିଏ ଦିନ ପାଳିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ସିଡିପିଓ ରଞ୍ଜୁବାଳା ସାହୁ, ସୁପରଭାଇଜର, ଅଙ୍ଗନୱାଡି କର୍ମୀ, ପଞ୍ଚାୟତ ସମିତିସଭ୍ୟା, ୱାର୍ଡ ସଭ୍ୟ ଓ ସଭ୍ୟାମାନେ ଉପସ୍ଥିତ ଥିଲେ । ପ୍ରଥମେ ପ୍ରଦୀପ ପ୍ରଜ୍ବଳନ କରି କାର୍ଯ୍ୟକ୍ରମର ଉଦଘାଟନ କରାଯାଇଥିଲା। ପରେ ସରପଞ୍ଚ, ସମିତିସଭ୍ୟା ଏବଂ ସିଡିପିଓଙ୍କୁ ସମ୍ବର୍ଦ୍ଧିତ କରାଯାଇଥିଲା । ସିଡିପିଓ ଶିଶୁମାନଙ୍କର ବିକାଶ ଏବଂ ବାଲ୍ୟ ବିବାହକୁ କିପରି ରୋକା ଯାଇପାରିବ ସେ ବିଷୟରେ ଆଲୋଚନା କରିଥିଲେ । ପରେ ସିକୋ ପଞ୍ଚାୟତରେ ବାଲ୍ୟବିବାହ ଯେପରି ନହେବ ସେଥିପାଇଁ ସମସ୍ତେ ଶପଥ ନେଇଥିଲେ । ଶେଷରେ ହରପ୍ରିୟା ମଙ୍ଗରାଜ ଧନ୍ୟବାଦ ଅର୍ପଣ କରିଥିଲେ ।
Popular Categories
Previous article
Next article