ନୂଆଦିଲ୍ଲୀ: ଭାରତୀୟ ନିର୍ବାଚନ କମିଶନ ୪ଟି ରାଜ୍ୟର ବିଧାନସଭା ଆସନ ପାଇଁ ଉପ-ନିର୍ବାଚନ ସଂପର୍କରେ ଘୋଷଣା କରିଛନ୍ତି । ଉତ୍ତର ପ୍ରଦେଶ, ତ୍ରିପୁରା, ଛତିଶଗଡ ଏବଂ କେରଳର ଗୋଟିଏ ଲେଖାଁଏ ଆସନରେ ଉପ-ନିର୍ବାଚନ ପାଇଁ ତାରିଖ ଘୋଷଣା କରାଯାଇଛି । ଛତିଶଗଡର ଦାନ୍ତେୱାଡା, କେରଳର ପାଲା, ତ୍ରିପୁରାର ବଦହରଘାଟ ଏବଂ ଉତ୍ତର ପ୍ରଦେଶର ହମୀରପୁର ବିଧାନସଭା ଆସନରେ ଆସନ୍ତା ସେପ୍ଟେମ୍ୱର ୨୩ ତାରିଖରେ ଉପ ନିର୍ବାଚନ ହେବ । ଚଳିତ ମାସ ୨୮ ତାରିଖରେ ଏଥିପାଇଁ ବିଜ୍ଞପ୍ତି ପ୍ରକାଶ ପାଇବ।
ବିଜେପି ବିଧାୟକ ଅଶୋକ ଚନ୍ଦେଲଙ୍କୁ ଅଯୋଗ୍ୟ ଘୋଷଣା କରାଯିବା ପରେ ଉତ୍ତର ପ୍ରଦେଶର ହମୀରପୁର ଆସନରରେ ଉପ-ନିର୍ବାଚନ ହେବ। ସେହିପରି ଦାନ୍ତେୱାଡା, ପାଲା ଏବଂ ବଦହରଘାଟ ଆସନରେ ବିଧାୟକମାନଙ୍କର ମୃତ୍ୟୁ ଘଟିବାରୁ ସେଠାରେ ଉପ ନିର୍ବାଚନ ହେବାକୁ ଯାଉଛି। ସେପ୍ଟମ୍ୱର ୨୭ ତାରିଖରେ ନିର୍ବାଚନର ଫଳାଫଳ ଘୋଷଣା କରାଯିବ ।
Comments are closed.