ମୁମ୍ବଇ : ଖୁବଶୀଘ୍ର ପରଦାରେ ଫୁଟବଲ୍ ପ୍ରଶିକ୍ଷକ ଭାବେ ନଜର ଆସିବେ ବଲିଉଡ଼ ଅଭିନେତା ଅଜୟ ଦେବଗନ୍। ଆଗାମୀ ଚଳଚ୍ଚିତ୍ର ‘ମୈଦାନ’ରେ ତାଙ୍କୁ ପୂର୍ବତନ ଫୁଟବଲ୍ ପ୍ରଶିକ୍ଷକ ତଥା ଆଧୁନିକ ଭାରତୀୟ ଫୁଟବଲ୍ର ନିର୍ମାତା ଭାବେ ପରିଚିତ ସୟଦ ଅବଦୁଲ ରହିମ୍ଙ୍କ ଭୂମିକାରେ ଦେଖିବାକୁ ମିଳିବ। ନିକଟରେ ଚଳଚ୍ଚିତ୍ରର ଶୁଟିଂ ଆରମ୍ଭ ହୋଇଛି ଏବଂ ଏହାର ପ୍ରଥମ ପୋଷ୍ଟର ମଧ୍ୟ ରିଲିଜ୍ ହୋଇସାରିଛି। ଚଳଚ୍ଚିତ୍ରରେ ଭାରତୀୟ ଫୁଟବଲର ସ୍ୱର୍ଣ୍ଣିମ ଯୁଗ ୧୯୫୨-୧୯୬୨ର ସମ୍ପୂର୍ଣ୍ଣ କାହାଣୀ ଦେଖିବାକୁ ମିଳିବ। ଲୋକପ୍ରିୟ ଦକ୍ଷିଣ ଭାରତୀୟ ଅଭିନେତ୍ରୀ କୀର୍ତ୍ତି ସୁରେଶ ଏଥିରେ ଅଜୟଙ୍କ ବିପକ୍ଷ ନାୟିକା ଭାବେ ନଜର ଆସିବେ। ବୋନୀ କପୁର, ଆକାଶ ଚାୱଲା ଏବଂ ଅରୁଣଭା ଜୟ ସେନଗୁପ୍ତାଙ୍କ ମିଳିତ ପ୍ରଯୋଜନାରେ ନିର୍ମିତ ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ଅମିତ ରବିନ୍ଦ୍ରନାଥ ଶର୍ମା ବହନ କରିଛନ୍ତି। ‘ମୈଦାନ’ ଆସନ୍ତା ବର୍ଷ ପରଦାକୁ ଆସିବ।
Comments are closed.